Luke 24:30-49

³⁰Niwa a kuson nda ni rhi niba, a ban bredi'a, yo lulu niwu, nda nziga nu ba.

³¹Shishi mba a kri bwu i baka mla toh wu, wa kri kado ni shishi mba.

³²Ba hla ni kpamba, “Suron mbu ana si'a gon ni mi-mbu niwa a si tre ni nkon, nda tsro ta nimi nvunvu tre Irji na?”

³³Ba kri lunde ni ton kima nda vu nkon kma hi ni Urushelima. Ba ka ri ni wlon don ri ba, nda toh ba baba bi wa bana he ni ba'a,

³⁴nda hla ndi “A njanji, Bachi mbu lunde, nda tsro tuma ni Siman,”

³⁵Niki ba vu kpi wa ba toh ninkon mba wa ba mla toh Yesu ni andi a ban bredi si ga nuba a.

³⁶Niwa basi tre kpi biyi, Yesu kima, a rju kri ni mimba nda tre ndi, “Si suron son niyi.”

³⁷Ba ti gbri me i sissri a vu ba. Ba ban ndi ba toh ibrji ma mu.

³⁸Yesu a hla bawu ndi, “A ngye du yi ni tie sissri? A hi ngye ni lo yi ni suron?

³⁹Toh iwo mba iza mu. A hi me kimu. Sa wo nitu mu ni toh. Ibrji na he ni nma kpa mba ququ na wandi bisi to mi he niwu na.”

⁴⁰Niwa a kle tre toyi a tsro ba iwo mba iza ma.

⁴¹Niki me, bana kpanyime na, nitu ngyiri ni sissri. Yesu a mye ba ndi, “Bi he ni ikpe wu rhi?”

⁴²Ba nu vi lambe wa ba sron'a.

⁴³Akpa nda rhi ni shishi mba.

⁴⁴A hla bawu ndi, “Biyi yi ba lan tre mu, wandi mi hla ni yiwu niwa mi he ni yi, ndi ikpi wa ba nha ba ni nvunvu doka Musa baba anabawa ni Zabura ba wrhu he toki.

⁴⁵Alu bwu mre suron mba du ba mla to nvunvu tre Irji.

⁴⁶A hla bawu ndi, toki ba nha ndi Kristi ni shaya nda lunde rji ni qu ni vi wu tra.

⁴⁷Kma suron wrhu ni la tre ni kpa wrehle lah tre ma. Hi bla ni ndi kagon ngbungblu rhi ni Urushelima, ni ndema.

⁴⁸Bi toh ikpi biyi ni shishi-mbi.

⁴⁹Ya, mi si ton yi nitu ikpe wa Timu a rhentse ni tuma. Bi gben ni mi gbuyi nitu ba kayi ni nklon gbengblen rji ni shulu ri.