لُكِ 24:30-49

³⁰عٍ بِرِن تٌ دْشْ عٍ دّفٍدٍ، عِسَ نَشَ تَامِ تٌنفٌ، عَ تَنتُي رَ سِفَ عَلَ مَ، عَ عَ عِفِرَ، عَ عَ عِتَشُن عٍ مَ.

³¹عَ نَشَ مَكّنّن عٍ شَشِلِ بّ كٍرٍن نَ، عٍ عَ كٌلٌن عَ عِسَ نَ عَ رَ، كْنْ عَ مَن نَشَ لْي عٍ مَ يٍن!

³²عٍ نَشَ عَ قَلَ عٍ بٌرٍ بّ، «عَ تٌ نُ كِتَابُي كُي قَسَرِ مَ وٌن بّ كِرَ شْن، عَ مُ نُ لُشِ شّ عَلْ عَ تّ نَن شُرُشِ وٌن بْحّ كُي؟»

³³عٍ نَشَ كٍلِ كٍرٍن نَ، عٍ فبِلٍن دَرِ سَلَمُ. عٍ نَشَ سَ عِسَ قْشِرَبِرّ قُ نُن كٍرٍنيِيٍ لِ، عَ نُن نَشٍيٍ نُ نَ عٍ قْشْ رَ، عٍ بِرِن مَلَنشِ يِرٍ كٍرٍن.

³⁴نٍيٍ نَشَ عَ قَلَ عٍ بّ، «مَرِفِ بَرَ كٍلِ قَشّ مَ يَتِ! عَ بَرَ مِنِ سِمْن مَ!»

³⁵عٍ قَن نَشَ دّنتّفّ سَ نٍيٍ بّ قٍ بِرِن مَ نَشٍيٍ دَنفِشِ كِرَ شْن، عَ نُن عِسَ مَكّنّن عٍ بّ كِ نَشّ عَ تٌ تَامِ عِفِرَ.

³⁶عٍ تٌ نُ وْيّنقٍ نَ قٍ بِرِن مَ، عِسَ يّتّ نَشَ مِنِ عٍ مَ، عَ تِشِ عٍ تَفِ. عَ نَشَ عٍ شّيبُ، «عَلَ شَ وٌ بْحّ سَ.»

³⁷عٍ بْحّ نَشَ مِنِ، عٍ فَاشُ، بَرِ مَ عٍ نُ عَ مَحْشُنشِ تُبَرِ نَن نَ.

³⁸كْنْ عِسَ نَشَ عَ مَسٍن عٍ بّ، «مُنقٍ رَ وٌ كْنتْقِلِشِ، وٌ بْحّ مَن سِيكّشِ؟

³⁹وٌ ﭑ بّلّشّيٍ نُن ﭑ سَنيِيٍ مَتٌ، وٌ شَ عَ كٌلٌن ﭑ تَن نَن يَتِ عَ رَ. وٌ شَ ﭑ مَسُشُ، وٌ شَ ﭑ مَتٌ، بَرِ مَ سُبٍ نُن شْرِ مُ نَ تُبَرِ بّ، عَلْ وٌ نَشَن تٌمَ ﭑ مَ يِ كِ.»

⁴⁰عَ تٌ نَ قَلَ عٍ بّ، عَ نَشَ عَ بّلّشّيٍ نُن عَ سَنيِيٍ مَسٍن عٍ بّ،

⁴¹كْنْ نَ قٍ سّيوّ نُن كَابّ نُ فبٌ عٍ بّ. عٍ تٌ مُ نُ فّشِ لَدٍ عَ رَ، عِسَ نَشَ عٍ مَشْرِن، «دٌنسٍ نَ وٌ يِ رَ بٍ؟»

⁴²عٍ تٌ يّشّ فَنشِ ندٍ سٌ عَ يِ،

⁴³عَ نَشَ عَ تٌنفٌ، عَ عَ دٌن عٍ يَ شْرِ.

⁴⁴نَ تّمُي، عَ نَشَ عَ مَسٍن عٍ بّ، «ﭑ نُ نَ وٌ تَفِ تّمُي نَشّ، ﭑ يِ قٍ بِرِن مَسٍن نّ وٌ بّ. ﭑ عَ مَسٍن نّ وٌ بّ، قَ قَلَ نَشَن بِرِن سّبّشِ ﭑ تَن مَ قٍ رَ عَننَبِ مُنسَ شَ سّرِيّ كُي، عَ نُن نَمِحْنمّيٍ شَ كِتَابُييٍ كُي، عَ نُن يَبُرَ دَوُدَ كُي، قٌ نَ بِرِن شَ كَمَلِ نّ.»

⁴⁵نَ تّمُي، عَ نَشَ عٍ شَشِلِ رَبِ عَلَكٌ عٍ شَ كِتَابُييٍ قَهَامُ.

⁴⁶عَ نَشَ عَ مَسٍن عٍ بّ، «عَ سّبّشِ نّ، عَ قٌ عَلَ شَ مِشِ سُفَندِشِ شَ تْورْ، قٌ عَ مَن شَ كٍلِ قَشّ مَ عَ شِ سَشَن ندٍ.

⁴⁷عَ تَن شِلِ رَ، قٌ سِ بِرِن شَ كَوَندِ نّ تُوبِ قٍ نُن يُنُبِ شَقَرِقٍ رَ، قْلْقٍ دَرِ سَلَمُ مَ.

⁴⁸وٌ تَن بَرَ قِندِ يِ قٍيٍ سٍيدٍيٍ رَ.

⁴⁹ﭑ بَبَ نَشَن لَايِدِشِ، ﭑ نَ رَ سَنبَمَ نّ وٌ مَ. وٌ تَن شَ لُ بٍ تَا كُي، هَن سّنبّ شَ كٍلِ كٌورٍ فٌرٌقٍ وٌ مَ.»