1Tó n gaa Luda ua guu, ǹgↄ̃ kú kↄ̃n làakario. Ǹ sↄ̃zi ǹ à yã maa maa dɛ yↄ̃nkↄↄnↄ sa'ona gweela, zaakɛ aↄ̃ yãdↄ̃nasai bé è tó aↄ̃ yã zaaa kɛ.
2N lɛ́ tóngↄ̃ wãaro, ǹton wã ǹ yã o Ludanɛro. Lán à kú musu ń kú tↄↄtɛ nà, ǹton yã o pariro.
3Lán yãbↄkↄ̃tɛ parii è mↄ́ kↄ̃n nana'onao nà, lɛn yã pari bↄɛna è mↄ́ kↄ̃n yↄ̃nkↄyão lɛ.
4Tó n lù sɛ̀ Ludanɛ, ǹton à papana gurↄ gágaro. Ǹ à papa, zaakɛ yↄ̃nkↄↄnↄ yã è kánɛro.
5Lùsɛna Ludanɛ sai maa dɛ n lù sɛ̀nɛ papana saila.
6Ǹton tó n lɛ́ n da yãnlo. Ǹton o sa'orinɛ n bè n sã lùsɛna yãnlo. Ń yezi Luda pↄ fɛ̃nzi n yã pì yãnzi à zĩi kɛ̀ nɛ́ɛ kɛɛ kaatɛn yↄ́?
7Nana pari ona kↄ̃n yã pari bↄɛnao è mↄ́ kↄ̃n yã pãaomɛ. Beee yãnzi ǹgↄ̃ Luda vĩa vĩ.
8Tó ń è wèe gbãa mↄↄ takaasideenↄnɛ gukea, wèe giińnɛ kↄ̃n yãzɛdeeo wèe yã gↄ̃gↄ̃ↄńnɛ a zɛ́aro, ǹton tó yã pì bↄ n saɛro, zaakɛ bùsu pì gbãadeenↄↄ e wɛ́ɛ dↄↄkↄ̃nɛ, ben aↄ̃ gbɛ̃nsinↄↄ e wɛ́ɛ dↄↄńnɛ dↄ.
9Aↄ̃ píngi è bùsu pì baka blemɛ, zaakɛ kína bé à buraanↄ vĩ.
10Gbɛ̃ kɛ̀ ye ↄↄzi è kɛ̃sãa, gbɛ̃ kɛ̀ ye auzikizi àre è mↄ́aro. Beee nɛ́ yã pãamɛ dↄ.
11Tó auziki e kaara, à blèrinↄ ègↄ̃ kaaramɛ. Bↄ́ àren à vĩ a diinɛ? À wɛ́ɛ biia baasiro.
LAASUUDEE 5
LAASUUDEE 5:1-11