LAASUNDE 7:14-21

¹⁴Tó gↄrↄ nna sùmma, ǹ pↄnna kɛo. Tó gↄrↄ vãnimɛ sↄ̃, ǹ laasun lɛ́. Luda mɛ́ à a pínki kɛ̀, de gbɛ̃ke súngↄ̃ a zia dↄ̃ro yãi.

¹⁵Ma wɛ̃̀ndi kori dí gũn ma yã díkĩnanↄ è pínki. Ma gbɛ̃ mana è, à gà a manakɛnaa gũn, ma gbɛ̃ vãni è, àtɛn gì kɛ a yãvãnikɛnaa gũn.

¹⁶Ǹsun tó n manakɛna gɛ̃ ↄlaro, ǹsun tó n ↄ̃ndↄ̃ gɛ̃ ↄlaro. À kɛ̀ dera ĩni n zĩda kakatɛɛ?

¹⁷N vãni sún gɛ̃ ↄlaro, ǹsungↄ̃ yↄ̃nkↄ ũro. À kɛ̀ dera ĩni ga n gↄrↄ ãa?

¹⁸À mana ǹgↄ̃ yã mɛ̀n pla pìnↄ kũnamɛ, ǹsun ↄ gbarɛiro, zaakũ gbɛ̃ kũ à Luda vĩna vĩ dì a pla pìnↄ zɛ́ le pínkimɛ.

¹⁹Ɔ̃ndↄ̃ dì tó ↄ̃ndↄ̃ri gbãna gↄ̃ de wɛ́tɛ gbãnade gbɛ̃nↄn kurinↄla.

²⁰Gbɛ̃ mana kũ àdigↄ̃ yã mana kɛ kũ àdi durunna kɛro kú andunia gũnlo.

²¹Ǹsun sã kpá yã kũ gbɛ̃nↄ tɛn oi pínkiro, de ǹsun ma n zĩkɛri tɛni n sↄ̃sↄ̃ro.