LAASUNDE 2:14-23

¹⁴Ɔ̃ndↄ̃ri wɛ́ dìgↄ̃ kú a arɛ, yↄ̃nkↄ dìgↄ̃ kure gusiran. Akũ ma è gó dokↄ̃nↄ mɛ́ ani ń bikũ ń pínki.

¹⁵Akũ ma laasun lɛ̀ ma swɛ̃̀n ma pì, zaakũ gó dokↄ̃nↄ mɛ́ ani ó bikũ kũ yↄ̃nkↄnↄ nà, bↄ́ àreen mani le ma ↄ̃ndↄ̃aa? Akũ ma pì, abirekũ pãmɛ dↄ.

¹⁶Ɔ̃ndↄ̃ri yã ni dↄ gbɛ̃ken de yↄ̃nkↄlaro, ń pínki ń yã ni sã gbɛ̃nↄn zia. Ɔ̃ndↄ̃ri dì ga lán yↄ̃nkↄ bàmɛ.

¹⁷Akũ ma a kunna gya bò, zaakũ yã kũ òtɛn kɛ andunia gũn pínki dì kɛmɛnɛ nɛ̀sɛyakayã ũmɛ. A pínki bi pãmɛ, pɛna gukoriamɛ.

¹⁸Akũ ma zĩ kũ ma kɛ̀ andunia gũnnↄ gya bò pínki kũ mani tó ma gɛ̃nɛnɛ yãi.

¹⁹Dí mɛ́ à dↄ̃ tó ↄ̃ndↄ̃ri ke yↄ̃nkↄn a ũu? Bee kũ abireo zĩ kũ ma kɛ̀ andunia gũn kũ ↄ̃ndↄ̃o ni gↄ̃nɛmɛ. Abirekũ pãmɛ dↄ.

²⁰Akũ ma pↄ yàka ísimma kũ ma wàra andunia gũn pínki yã musu.

²¹Zaakũ gbɛ̃ dì zĩ kɛ kũ ↄ̃ndↄ̃o kũ dↄ̃naao kũ gonikɛo, akũ àdi tó gbɛ̃ kũ adi a ke kɛronɛ à gↄ̃ a pↄ́ ũ. Abirekũ pãmɛ dↄ, nɛ̀sɛyakayãmɛ manamana.

²²Bↄ́n gbɛ̃ dì le ísimma kũ à wàra andunia gũn kũ ↄsi kũ à kàao pínki yã musuu?

²³A kunna andunia gũn gↄrↄ sĩnda pínki a zĩ dìgↄ̃ sunɛ kũ yã'ũmmanaao kũ pↄyakanaaomɛ. Bee gwãani a laakarii dìgↄ̃ kpatɛnaro. Abirekũ pãmɛ dↄ.