Kölfel 86:14-17

¹⁴Ai Kot, aramas mi lamalamtekia ra ü ngeniei, eu mwichen mwänewüs ra mochen nieila, ir chokewe resap ekieki en.

¹⁵Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

¹⁶Kopwe sap ngeniei o tongeei, kopwe ngeni noum ei chon angang pöchökül o amanaua nöün noum we chon angang fefin mwän.

¹⁷Kopwe pwäri ngeniei eu asisil pwe ka kirikiröch ngeniei, pwe chokewe mi oputaei repwe säw, lupwen repwe küna pwe en ai Samol mi Lapalap ka alisiei o achipaei.