GWAY GI IDAWUU’D 86:14-17

¹⁴Ayy Arumgimis, ’kwani kun ushi ’kwani ga/ uni cukin ap̱o/ aha/ mo, dhana tul ’kup̱ ’kwani kun maṯẖamaṯẖ mo tani simmki mondiki/em pem e mo, dhali uni ’koki kar /e ibwambori jis/em buni mo.

¹⁵Hili /e, ayy Tap̱a, /e tana Arumgimis jin miimii mo dhali mii mii ka ’the mo, /e maŋgala she/ ki maŋgal goma nyor mo, dhali mo/en pini jin ṯelu sho’k mo tani ishki’d mo dhali mii ma isiŋ gana/ si’da/ mo.

¹⁶Ṯuku/ mo e aha/ mo dhali bu’th mo jin hiluwa hil ka ’thime/ ki mo/en ap̱o/ aha/ mo. C̱iyu/ mo jin ’bidhu/ e is pini ki c̱iŋkinam pini mo, dhali tayi ya/ gi nyaranyc̱iŋkinam pini is ki me’d mo.

¹⁷Ṯori aha/ jamas mii ma ’them pini mo, ki uni gwansan kun shi/ki aha/ i e mo mini p̱ar mii e mo tani dhali minu dhu ki mo ma ’the is mo haali/ /e, Tap̱a, woṯẖki aha/ mo dhali malas aha/ mo be.