Kölfel 57:3-11

³I epwe tinato an alilis seni läng o amanauaei, i epwe akufu chokewe mi chök tatapweriei. Kot epwe tinato an we tong ellet me an allükülük ngeniei.

⁴Chon oputaei mi wewe ngeni laion mi mwäräräiti le ochei aramas ra pwelifeiliei, ngir ra usun chök siles me föün esefich, nge chönawer ra usun chök ketilas mi ken.

⁵Ai Kot, kopwe pwäri om tekia asen ekewe läng. Om ling epwe pwä won unusen fanüfan.

⁶Chon oputaei ra anomu eu sär fän itei. Ai osukosuk a chouitiei. Ra tuw eu pwang lon alei, nge ra püsin turulong lon.

⁷Üa apilükülükuk, ai Kot, üa apilükülükuk, üpwe köl o mwareituk.

⁸Ngüni, kopwe pwök, ekewe kitar me ükülele repwe pwök. Üpwe apwökü mallen rän.

⁹Ai Samol, üpwe kilisou ngonuk me lein ekewe mwichen aramas, üpwe kölün mwareituk me lein chon ekewe mwü.

¹⁰Pun om tong ellet a tekia seni ekewe läng, om allükülük a tori ekewe kuchu.

¹¹Ai Kot, kopwe pwäri om tekia asen ekewe läng. Om ling epwe pwäla won unusen fanüfan.