A Umana Kakailai 57:3-11

³Na vartuluai marama ra bala na bakut ma na valaun iau, Tago nina i mainge ba na konome iau i tar varvul. Sela. God na tulue vaarike kana varmari ma kana dovotina.

⁴A tulungeagu i ki livuan ta ra umana leon; Ina va livuan ta ra umana ebar dia ngangap da ra iap, Maia, livuan ta ra tarai Ba ra ngie i diat i da ra rumu ma ra pu, Ma ra karamea i diat i da ra pakat na vinarubu i mangi.

⁵Una vangala pa u mulai, God, Una ki ak ta mumur ma ra bala na bakut, Ma kaum minamar na ki ta ra rakarakan a gunagunan.

⁶Dia tar vaninare ra ubene ure ra kaugu, A tulungeagu i bilua; Dia tar kal ra tung ure ian, ma diat iat dia tar bura tana. Sela.

⁷God, a balagu i tur padikat, i tur padikat, Ina kakailai ma ina pite varpa.

⁸Una tavangun, a tulungeagu; Amur a tavangun, a kaur ma ra pagol, Iau iat ina tavangun ta ra kavunvun iat.

⁹Ina pite pa u, Luluai, livuan pire ra tarai; Ina kakailai piram livuan ta ra lavur vuna tarai;

¹⁰Tago kaum bala na varmari i ngala ma i tuk tar ta ra lao, Ma kaum dovotina i tuk tar ta ra lavur bakut.

¹¹Una vangala pa u mulai, God, Una ki ak ta mumur ma ra bala na bakut, Ma kaum minamar na ki ta ra rakarakan a gunagunan.