Kölfel 44:1-7

¹Ngeni ewe mi emweni chon köl: Echö än nöün Kora kewe mwän kölün kait. Ai Kot, äm aia rongorong ren püsin selingem, pun äm kewe lewo ra apworausa ngenikem usun om kewe föför ka föriir lon ränin manauer, lon ekewe fansoun lom.

²Ka püsin asüela chon ekewe mwü, nge ka fotukätiu äm kewe lewo lon ewe fanü. Ka ariaföüü ekewe aramas, nge ka angasa äm kewe lewo.

³Pun resap liapeni ewe fanü ren püsin nöür ketilas, resap pwal win ren püsin ar pöchökül, ngei ren om pöchökül me manaman, pwal ren om nonom rer, pun ka tongeer.

⁴En ai king me ai Kot, ka akota pwe noum kewe aramas repwe win.

⁵Ren om manaman aia akufätiu ekewe chon oputakem. Pokiten itom aia purätiu ekewe chon fiu ngenikem.

⁶Pun üsap lükü ai likapich, nei ketilas esap pwal tongeni amanauaei.

⁷Nge en ka amanauakem seni ekewe chon ü ngenikem o akufu chokewe mi oputakem.