Kölfel 40:9-17

⁹Üa apworausa ewe pworaus mi mürina usun om amanauakem me lon ewe mwichen noum aramas meinisin. Üsap fokun ükütiu le apworausa usun, ka fen silei, ai Samol mi Lapalap.

¹⁰Üsap aopala ewe pworausen om amanauakem. Üa kapas usun om allükülük me om alisikem. Üsap tukumala seni ewe mwichen noum aramas meinisin om tong ellet me om allükülük.

¹¹Ai Samol mi Lapalap, kosap amwöchü seniei om ümöümöch. Om tong ellet me om allükülük repwe tümwünüei.

¹²Chomong osukosuk ra pwelifeiliei, esap wor eman a tongeni aleaniir. Ai kewe tipis ra rongeeila pwe üsap chüen künaei, ra kon chomong lap seni meten mökürei, nge lelukei a kisikisila.

¹³Ai Samol mi Lapalap, kose mochen kopwe amanauaei. Ai Samol mi Lapalap, kopwe kaito pwe kopwe alisiei.

¹⁴Amwo meinisin mi mochen nieila repwe säw o tolong lon fitikoko. Amwo chokewe mi tipeni ai üpwe feiengau repwe kulsefäl o itengau.

¹⁵Amwo chokewe mi ämängauaei repwe fokun rükö ren ar kuf.

¹⁶Nge meinisin mi feito reöm repwe meseik o pwapwa. Chokewe mi aücheani om amanaueer repwe apasafochei, “Ewe Samol mi Lapalap a tekia.”

¹⁷Nge ngang üa wöüngau o osupwang, nge en ai Samol, ka ekiekiei. En ai chon alilis me ai Chon Amanau. Ai Kot, kosap mang le alisiei.