Kölfel 27:4-13

⁴Eu mettoch üa tüngorei ewe Samol mi Lapalap, eu mettoch chök üa mochen: Pwe üpwe nonom lon imwen ewe Samol mi Lapalap lon ränin manauei meinisin, pwe üpwe ingeiti an kirikiröch o kütta öüröürei me ren me lon imwan imwenfel.

⁵Pun lon fansoun weires i epwe aopaei. I epwe tümwünüei me lon imwan imwenfel, epwe pwal atekiaeitä won eu achau.

⁶Mürin üpwe chimwetä o nom asen ekewe chon oputaei mi pwelifeilei, üpwe asor lon imwan fän mweireiren pwapwa. Üpwe köl o ettiki pisekin ettik ngeni ewe Samol mi Lapalap.

⁷Ai Samol mi Lapalap, kopwe aüselinga ai siö ngonuk. Kopwe ümöümöch ngeniei o pälüeniei.

⁸En ka apasa, “Oupwe küttaei.” Nge ngang üa pälüeni, “Üa küttok, ai Samol mi Lapalap.”

⁹Kosap aopa mesom seniei. Kosap aliwini noum ei chon angang lon om song, pun en ai chon alilis. Kosap pöütieila, kosap pwal likitieila, Ai Kot, ai Chon Amanau.

¹⁰Inamwo ika semei me inei ra likitieila, nge ewe Samol mi Lapalap epwe tümwünüei.

¹¹Ai Samol mi Lapalap, kopwe aiti ngeniei mine üpwe föri o emweniei won efoch al mi wenechar pokiten chon oputaei.

¹²Kosap asechieilong lepöün chon pälüeniei. Pun chon pwärätä chofana ra ü ngeniei, ra tiliken le föri föförün mwäneson ngeniei.

¹³Nge ngang üa lükü pwe ewe Samol mi Lapalap epwe kirikiröch ngeniei lon fansoun ai manau won fanüfan.