Kölfel 122:1-7

¹Echö kölün feitä än Tafit. Üa pwapwa, lupwen ra üreniei, “Ousipwe feila ren imwen ewe Samol mi Lapalap.”

²Iei äm aia tolong lon asamalapom kewe o ütä lon, en Jerusalem.

³Jerusalem a kaüsefälitä usun eu telinimw mi nükünüköch.

⁴Chon ekewe ainang ra feitä ie, ekewe ainangen Israel, pwe repwe kilisou ngeni ewe Samol mi Lapalap, usun a fen allük ngeniir.

⁵Ikenan mi wor lenien mot fän iten chokewe mi eäni kapwüng, ekewe lenien motun king fän iten chon leimwen Tafit.

⁶Oupwe tüngor pwe epwe wor kinamwe lon Jerusalem, “Amwo chokewe mi echenuk repwe feiöch.

⁷Epwe wor kinamwe lon tittum, Jerusalem, o imwom kewe imwen king repwe nükünük.”