Yontu 122:1-7

¹Tɑfiiti Yosɑlɛm kpɑʋ yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ. Ye pɑ tɔmɑ sɩ tə́ polo Tɑcɑɑ təyɑɣɑ tɑɑ, mɑ lɑŋhʋlʋmlɛ wɛ sɔɣɔntʋ.

²Yosɑlɛm, nyɑ́ nɔnɔkeelɑsɩ kɛ tə səŋɑɑ.

³Yosɑlɛm ɩcɑtɛ nyɑ́, pə ŋmɑ-ŋ teu kɛ́, nɑ ń tɑmsɑ teu təkpeɣekpeɣe.

⁴Nyɑ́ tɑɑ kɛ́ Tɑcɑɑ kpekɑ Ɩsɛɣɛlɩ nyə́mɑ kpɑɑkɩ nɑ pɑ́ sɑŋ Tɑcɑɑ hətɛ ɩsɩɩ pɑ kiiu wɛɛ tɔ.

⁵Tənɑɣɑ Tɑfiiti təyɑɣɑ nyə́mɑ kɑwulɑɣɑ kumlee wɛɛ nɑ pɑ́ cɑkɩ ɑ tɔɔ nɑ pɑ́ hʋʋkɩ tɔm.

⁶Ɩ́ sələmɩ Ɩsɔ sɩ: Yosɑlɛm hɛɛsɩ. Mpɑ pɑ sɔɔlɑ-ŋ tɔ, pɑ lɑŋɑ́ ɩ́ hɛɛnɑ hɛɛsʋɣʋ ŋkʋ.

⁷Hɛɛsʋɣʋ ɩ́ wɛɛ nyɑ́ koloosi tɑɑ nɑ təcɑɣɑnɑʋ kɛ nyɑ́ tɛɛsɩ kʋpɑnsɩ tɑɑ.