Delamaiya 1

1

6

17

20

23

31

33

38

⁴Guyau ya libama lisigu iyen,

⁵Boga yai hola hige ya falasam, na haꞌa E fasinabom, yo hola hige u tubu na haꞌa E fagabim. E fasinabom haba nuꞌu ouꞌouli edi peloweta.

⁶Guyau alinana E bui, yawa, Hewa Wananahana Guyauna, hige ya sibai haba sidohana egu libaliba. Yau wawaya!

⁷In moho Guyau ya falibagu iyen, “Tabu u liba uwe, ‘Yau wawaya.’ U lau dodoga lisidi be somo E falibam, edi u liba.”

⁸Guyau ya liba iyen, Tabu u ꞌwasabuwedi! Yau maꞌem yo haba E bobodiyem!

⁹Habahim Guyau nimana ya lolon be sopagu ya abiꞌona na ya libama lisigu iyen, Egu liba haꞌa E felem. U libalibaedi!

¹⁰Aho ite gigibwali E felem gonowana kin nuꞌu ouꞌouli yai edi paipaisowa wa lei hafihafitidi be wa an faheyayaidi doha luma wa anlubi lopalopaidi e umaꞌuma wa laꞌa fahidi. Na nuꞌu hahaisa edi kin wa saguhidi doha liꞌe wa umahidi, e luma wa faꞌobiyo fuyoꞌidi.

¹⁷Guyau ya liba doha ite, iye, Delamaiya, u abi nonoha! Be u obiyo u lau, somo E falibam, u falibadi. Tabu u ꞌwasabu yo tabu nuwam i mode. Yau moho bena wa ꞌwasabuꞌegu.

¹⁸Ma! Adidili E felem doha taon ganana lofalofa wananahana e doha duhu powati e doha bilibili kapa. Ibege Kin yo ena tau paisowa iti dodoga lalalaꞌi yo antalasam tau gabugabudi yo Diuda dodogadi ibege ti lei hafihafitim.

¹⁹Haba sa faꞌwaiyunum, in moho hige gonowadi ti sai tawatawaim, paꞌana Yau maꞌem be haba E fofofahim. Yau, Guyau, E liba doha.