Jeremiah 1

1

6

17

20

23

31

33

38

⁴Bada i riweu i pa:

⁵“A vinem, muriai da alom au manawana a teretagogiem. Muriai da uta tupua, A tereriem, rava anatapui ai peroveta.”

⁶A paribelei, “Oo Bada God, tau tevera ota, ma babani eḡa ata aramanei.”

⁷Bada i riweu, “Eḡa ma riwa, ‘Tau tevera ota.’ Ma nae mepa a pariparitawanem, ma aiwai a ririwem taui ma pariverei.

⁸Eḡa ma rovoei aubaina Tau a paritawanem. Tau tam maiteni ana mae da ana gagaloem. Tau Bada a babani.”

⁹Anina ma Bada urana i viloloi da ipiriu i tapedadani ma i riweu, “Marina riwau au gamom a terei.

¹⁰Ma aramana-kauei da marina rewapana a vereverem, da dobu anatapui ai gulagulau ai kovoḡa ma vinolenolei wenanare, Ḡelaui ma orumi, ma viairikarikai, ma vovaiubai ma vipupui. Ḡelaui ma voepai ma ma paewi.”

¹⁷“Ma vokaukaua Jeremiah! Ma vomairi ma aiwai anatapuna a riwem ravai ma pariverei. Eḡa ravai ma rovoei, bo au matai, ana virorovoim.

¹⁸Amadodo a vovaivirewapanim me melagai vivirewapanana, tuatuana ma garina iramei voavoana. Tam ma mairi ma eḡa maiJudah ma ai gulagulau, ai gabemani ravai, ai pirisi ma dobuna ravai ina tereḡairem.

¹⁹Taui ina viḡaviem wate ina kauana-avei. Aubaina tau tam maiteni, ma ana gagaloem. Tau Bada a babani!”