Delimaiya 1

1

6

17

20

23

31

33

38

⁴Bada lisigumo i giuna gado,

⁵“Muliḡa kaka bwaga noponemo e patimna ba e gei sibem. Bi muliḡa kaka kuna tubuḡana ba e vine kamaḡem te taugiuwatagu dobu matabudi aubaidi.”

⁶Bi tagu e giuna gado, “Mm Bada, tagu gomana ḡaubogu, mote luvana te aubaim yà gagali!”

⁷Bi Bada i giuweguna gado, “Mote kuma giu te tam gomana ḡaubom. Bi e giuwem te bamomaiḡa kwa nawana ba kamaina te kwa nawa bi bai e giugiuwemna mainana lava kwa giuwedi.

⁸Niga mainana Bada i giu, lava mote kuma nailedi, tagu tam vaitem bi yà moito galamem!”

⁹Ḡome Bada nimana i tuḡu te mudugu i taukoni bi i giuweguna gado, “Kwai beyavaiya, giugu mudummo e sivudi te kwa gagali.

¹⁰Niganana e vinem bi ḡailisi e vitem te dobu isuna bi isuna ḡaliḡalibona lisidimo, kwa laulaka, kwa laukoisuwa, kwa laukagebogebo, kwa laudouḡosaḡosa, kwa lauḡala bi kwa lauwadi.”

¹⁷“Kwa vononoḡa bi kwa nawa te bai matabuna e giugiuwemna kwa giuwedi. Mote Kuma naila ba matedimo yà voiyem te kwa naila gulata.

¹⁸“Delimaiya kwai beyavaiya, Diuda edi ḡaliḡalibona, waibabada, pilipilisi bi lava matabudi kaka sai ḡaviyem. Bi niganana tagu ḡailisi yà vitevitem te mote sima lauyovoḡem, tam maibena malagai ganakukuna kaikaidakina, ee pawapawasi tupidi bi bilibili ilamemo voivoiyena.

¹⁹Tagu Bada e giu te tam vaitem bi yà moito galamem te mote sima lauyovoḡem.”