Jenesis-Agafa 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Timo mopa refite'negeno Anumzamo, Noanku'ene mika zgagfanenku ventefi mani'nageno agesa nentahino, zaho atufegeno timo'a taneno urami'ne.

²Anumzamo mopa agusafinti hanati'nea tina renkani nereno, monafinti ko'ma e'nea kora azerigeno ruse'ne.

³150ti'a knamofo agu'afi timo'a akoheno taneno urami'ne.

⁴7ni ikamofona, 17 zupa ana ventemo'a eramino mago Ararati agonarega eme runtrako hu'ne.

⁵Runtrako huno me'negeno timo akoheno nermigeno 10ni ikamofo ese zupa mago agonamo osi'a hanaku hige'za ke'naze.

⁶40ti'a zge manino Noa'a zahoka anagino, mago osa rumpa huntegeno vu'ne.

⁷Hareno vano huno hunoteteno timo'ma uramigeno mopamo ho'mu hutegeno umani'ne.

⁸Omegeno Noa'a mago nma maho huntegeno mopamo ho'mu hu'nesigu,

⁹hareno vano hiana manisniazana omneno tinke me'negeno ete e'ne. Egeno Noa'a aza antegame teno ventefi avre vazine.

¹⁰Avrentegeno 7ni'agna manite'no Noa'a ete huntegeno hareno vu'ne. Olivi zafa asina atasino agipi haninkofino ana kinagage ehanati'ne. Ehanatigeno Noa keteno hago timo'a taneno uramie huno agesa antahi'ne.

¹²Mago'ene 7ni'agna maniteno mago'ene ana maho huntegeno hareno vuteno ete ome'ne.

¹³Noa'ma 601ni'a kfuma nehigeno'a, 1ni ikamofona ese knarera, mika ama mopafina timo'a ho'mu higeno, Noa'a ana ventemofona amumpafinti anasgeno keana, mopamo'a ho'mu huvgare'negeno ke'ne.

¹⁴Anante 2ikamofona 27ni zupa mopamo'a ho'mu huvaregeno Noa ke'ne.

¹⁵Anumzamo'a Noana amanage huno asmi'ne,

¹⁶kagrane nagaka'anena ventefintira atreta fegi'a atirmiho. Ventefima mani'naza zgagfane, nmane, mika mopafi vano nehaza zgarmine, zamare atrege'za mopafi vu'za eza nehu'za kse hakare hu'za maniho.

¹⁸Anage hige'za Noaki, nenaroki, mofavre naga'ane, anoferhe'zane atiraminaze.

¹⁹Hagi ana zgagfane, ne'onse zgarmine, nma zgane mika vono nehaza zgarmina, zamagrare zamagrare erizogi'za ventefinti atirmi'naze.

²⁰Anantera, Noa'a Ra Anumzamofonte kre sramna vu ita trohuteno, mago'a avusese zgagfafinti ene avusese nmafinti enena aheno mika kre sramna vu'ne.

²¹Kre sramna vu'nea mna'agu Ra Anumzamo muse nehuno amanage Agra hu'ne, vahe'mo'za kumi hanaza zankura mago'anena ama mopa eri haviza osugahue. Hakare'mo'za nehzanteti mani'za menima e'naza knarera havi antahi'zampi mani'naze. Hakare zgarmima zamasimu nentaza zgarmina menima huaza hu'na zamahe refi otegahue.

²²Ama ana mopa me'nenkeno maka'za me'nena hoza negri'za, kafigahaze. Zasi ko netinkeno amuhoa hugahie. Ko' aru knane zgere knane, zgene hanine, hanigeno maka'zana vga oregahie.