1Tare zgegfu agteretegeno Fero'a ava'na keana, Nael timofo ankenare oti'neno ke'ne.
2Ke'neana, Nael timpintira 7ni'a masvenke huno avufga krerfane Bulimaka afu'tamimo hanatino, timpinti traza tragahu'za nenazageno ke'ne.
3Anante'ma keana, ete 7ni'a zferinage huno, vahe'mo kesane huga osu'nea Bulimaka afuzga Nael timpinti ehnati'za, tinkenafi ko'ma emani'naza bulimakane magopi otiza mani'naze.
4Haviza hu'za zferinage hu'naza Bulimaka afumo'za 7ni'a knare hu'za zore'naza Bulimaka afutmina zamahe'za nehna hu'naze. Hzageno Fero'a avupintira otine.
5Avukoko higeno nemseno mago'ene ava'na keana, magoke witi ramparera ome ahente eme ahente huno 7ni'a ranra nenage hu'nea me'negeno ke'ne.
6Hanki ete henkama hnatia 7ni'a witi rampamo'a osi higeno, zge hanatitegati ea zaho'mo azeri amuho higeno nena'amo hgage huno fore hu soe osu'ne.
7Osi nena'ane witi rampamo 7ni'a magoke rampamo ranra witi rga rentenea asgahu nevazigeno ke'ne. Fero otino keana higeno ava'na koe nehuno mse'ne.
8Nantera otino antahitahi hakare nehuno vahe huzmantege'no ome zamasmige'za, kasnampa vahe'ene antahizane vahe Isipi nemniza, eme atru hu'naze. Fero'a ava'na ge'ama zamasmiana mago'mo eriama huno Ferona asamiga osu'ne.
9Vugota huno Fero kapure kva hunentea ne'mo amanage huno Fero asmi'ne, Ko'ma nagrama ufre'noa knazamofo nanekea meni huama hu'na kasmigahue.
10Feroga eri'za vahe ka'a karimpa aherantenka, kavufgare kva (kepten) nemofo nompi kina hurante'ne, nagri'ene vugota huno breti negrea ne' ene hurante'ne.
11Tarega'mota magoke kerageke ava'na ke'noe, agrane nagra'ene, ava'na ti'afina taregamota afante afante avana ketokeno eriama hu'ne.
12Hibru nehzana, magora anampina tagra'enena mani'ne, kinimofo avufgare kva (kepten) ne'mofo eri'za ne'mo kina hu'neno, ava'na keti'a agri asamukeno huama huno ana avana ketiare tsami'ne.
13Huama huno tasminere, efore hurami'ne, nagrira ete eri'zaniafi navrenteno, hanki agrira zafare hanti'ne.
14Fero ke huzmantege'za Josefena kina nompi mopa agu'a, mani'nege'za ame hu'za ome avre'za ageno, agi azoka hareno kena'a eri vasiteno'a, Fero avuga uhnati'ne.
15Fero'a amanage huno Josefena asmi'ne, Nagra ava'na ke'nomofona, magore huno hunasmiga vahera omnitfa hu'ne, kagri kagenke nasmiza ava'na kea eriama nehane hu'za nasmi'naze.
16Josefe kenona huno Ferona asmi'ne, Nagripina anahu zana omne'ne, Anumzamo agrake Feroga ana avana ke'a kasamigahie.
17Nehigeno Fero anage huno Josefe asmi'ne, Ava'na ke'nofina, Naeli timofo ankenare oti'noe.
18Oti'nena negogeno masvenke huno ra avufgane bulimakana 7ni'a Naeli timpinti hnati'za traza nenage'na ke'noe.
19Negogeno ana timpinti mago'ene 7ni'a zferinage huno kesane osuga hu'nea Bulimaka afutamina hnati'ne, e'i anahu afutmina magore hu'na Isipi mopafina kora onke'noane,
20ana zferinage huno asane huga osu'nea Bulimaka afu'zgamo'a koteno'ma 7ni'a masvenke avufgane Bulimaka afu'tmina aheno ne'ne.
21Nehna hu'nazanagi zamufa e'ori'naze, ana zamufare mani'naze, kote'za mani'naza kanteke vahe'mofo asane osu'are mani'nagena nege'na, navu mse'nofintira oti'noe.
22Ete mse'nena mago ava'na ete'na ke'noe, koana mago witimofo zafa'arera 7ni'a nena'a ranra rga'a ome ahente eme ahente hu'ne,
23negogeno henka'a ete 7ni'a osasi rampa'ane witi avimza hnatiana hagege hugege higeno, zge hanatitegati ea amuho'ane zaho'mo temagigeno hanati haviza hu'ne.
24Ana osi rampane witimo 7ni'a ranra rampamo nenage huno ahente'nea witi rampa aga asgahu nakri'ne. Negena kasnampa vahe'zga zamasmuge'za, mago'mo huama huno onasmi'ne.
25Josefe amanage huno Fero asmi'ne, Feroga tare ava'na kamo'a magoke kampi vu'ne, Anumzamo hniazamofo eri ama huno Agra'a Ferona averi huno husmi'ne.
267ni'a knare avufgane bulimakamo'a 7ni'a zgegfue, hanki 7 ni'a nena'ane witi rampamo'a 7ni'a zgegfue, ana tarega avana kemo'a magoke kante vu'ne.
277ni'a knare osu zaferinage Bulimaka mrenerigenka kanana 7ni'a zgegfue, hanki 7ni'a osasi huno hagege hu'nea witi rampa zge hanatitegati amuho zaho'mo temagiana 7ni'a zgegfufina tusi'a agate'za fore hugahie.
28Maka'za meni fore hnia zamofonku Fero nesmue, inankna'za fore hniana Anumzamo, Agra'a eri ama huno Ferona ave'nerie.
29Keho, 7ni'a zgegfumofo agu'afina maka Isipi mopafina ne'zamo fore huhakare hukna ne-e.
30Hianagi 7ni'a zgegfumofo agu'afima esniana tusi'a agatonto kna egahie, ana aga'zamo'a Isipi mopafi kave fore'ma hu'nea kna osnige'za zamage kanigahaze, miko'zana ahe fnane hanigeno mopamo'a haviza hugahie.
31Ana mopafi kave fore nehiaza osuno, agtereno tusi'a agate'za fore huhanige'za, koma knare kfuma maninaza zankura zamagesa ontahigahaze.
32Ete mago'ene Anumzamo ana avanage Feroma tare zupa asmi'neana anahure, Anumzamo hanigeno ame huno anazana fore hugahie.
33Hanki Feroga mago knare antahi'zane agu'agesane ne' azeri otinkeno Isipi mopare kva hino.
34Feroga huge'za ame huza mopa zamire kva hnaza vahe zamazeri otigeza 7ni'a zgegfufina kegva hu'ne'za, ne'zamo hakare hania knafina 5 kevufinti refko hu'za mago kevua Isipi mopafi nezana mago'zanke hu'za eritru hiho.
35Kave'mo hakare hnia kafu'afina huge'za maka'a ne'zana nompi eri tru hiho, Fero kegva hu'nea ranra kumate witi rgane kave nezana eritru hute'za, vahe'mo'za kegva hiho.
36Isipi mopafi 7ni'a zgegfufina agatontoza fore'ma hanigeno'a, e'i anama eritru hania nezamo zamaza hanige'za, zamagakura ama ana mopafina ofrigahaze.
37Hanki Fero ene eri'za vahe'ane ana nanekema antahi'zana knare hu'ne.
38Fero'a eri'za naga'a zamasmi'no, Magora amanahu nera hakreta kegahuno, anumza avamu'ene nera?
39Fero anage huno Josefena asmi'ne, Anumzamo ana maka'za kagri kasmi'negu, knare antahi'ene agu'agesane vahera omni'naze.
40Kagra nagri nona kegva krigahane, ke hnana kante vahenimo'za antahi kami'za kesga hugantegahaze, ran tratera nagrake'za manisga hugantegahue.
41Fero anage huno Josefe asmi'ne, Negano, nagrama kagri Isipi mopare kva kzeri oti negantoana.
42Fero'a azampinti agri'a rini zafino Josefe azampi vzinenteno, knare ksefa kena eri vasinenteno, anankempi golire ananke nofi hunte'ne.
43Ferona amiga'a kva ne'mofo karisifi avrentegeno vano nehige'za, agri avufi kezati'za husga hunente'za, agrite zamarena re'naze! Nehuno maka Isipi mopa agri kvafi ante'ne.
44Mago'ene, Fero'a Josefe asmi'ne, nagra Fero'na mani'noanagi kagripinti kema e'orinesuno'a, mago'mo'e huno azana erisga huge aga rentege maka Isipi mopafina osugahie.
45Nehuno Fero'a agi'a Josefenkura Zafenat-panea'e huno antenemino, Oni (mago agi'a Heliopolis) havi mono kva ne' Potifera mofa Asenati amigeno nenaroza hu'ne. Higeno Josefe agra Isipi mopa agu'afi vano hu'ne.
46Josefe'a 30ti'a zgegfu huteno Fero avuga Isipi kini nete uhnati'ne. Josefe'a Fero avure mani'neno kana anteno Isipi mopafi vano hu'ne.
47Ana 7ni'a zgegfumofo agu'afina ne'zamo'a ana mopafina ampore'ne.
48Hutegeno maka ne'zama 7ni'a kafufi Isipi mopafi fore'ma hiana eritru huno ranra kumamofo no agu'afi ante'ne, maka'a ranra kumateti eri'za e'nazana ana kumate nompi eritru hutere hu'naze.
49Josefe'a ana nehuno witi rgama (grain) eritru hu'neana hagerinkenafi ksepankna huno zogi atru hu'ne, huganteno mago'ene sigerire hantiga osu'ne. Nankure nompina aviteno herfi ramigenoe.
50Agate kna fore osu'negeno, tare ne'mofavre Josefena fore humi'ne, Oni havi mono kva ne' Potifera mofa'mo Asenati kse ami'ne.
51Zge ne'mofavre agi'a Josefe'a Manase'e huno antemi'ne, nankure knazama eri'noane, nenfa nonku'enena Anumzamo eri nagekni nante'ne.
52Anante ne'mofavre nenteno agi'a Efremi'e huno antenemino anage hu'ne, natazampi mani'noa mopafi Anumzamo nazeri rga renante'ne.
537ni'a kafumofo agu'afi Isipi mopafima ne'zamo ampoma'renereti vgaregeno,
54Josefe'ma ke hu'nere, 7ni'a kafumofo agate kna egeno miko'a mopa kaziga aga'zanku huva re'neanagi, Isipi mopamofo agu'afina bretia me'ne.
55Tusi zamagazanku maka Isipi mopafi nehu'za, Ferontega bretigu zvike hzageno, Fero maka Isipi vahera zamasmino, Josefente vinkeno'ma, na'ane nanekema tmasmisiana ke hniaza hiho.
56Maka kaziga mopa kagi'afi zamaga'zanku hzageno'a, Josefe mika feno nona anagige'za Isipi vahe'mo'za anampinti miza se'naze, ana nehigeno tusi'a agate'zamo Isipi mopafina fore hu'ne.
57Zamagazamo maka kaziga mopafina hige'ze maka kaziga mopareti vahe'mo'za, Isipiti witi ne'za zimia Josefenteti eme miza hu'naze.
