1Anante Josefe eri'za ne' asmino, beki ku'zmifina eri'zama vnaza avamente ne'zana eri vite nezmantenka, zgo'zmia zamente zamente ku avazare eriri' zamantetere huo.
2Nagri kapua, Silvare kapua nagna zami'mofo ku avazare eriri nentenka, witi'are zgone eririnto, higeno, eri'za ne'mo Josefe asmiaza hu'ne.
3Msa hu'za nehigeno, ana vahetmina huzmantege'za donki zamine vu'naze.
4Zamagra rankumara atre'za afete ovu'nageno, Josefe eri'za ne'a asmino, otinka ana vahera zamaririnka ome zamazeri sunka, anage hunka zamasmio. Na'a higeta knare'zama huma nermanteana havizana hunte'naze?
5E'i ana kapufintira ranimo tinkera none, hagi henkama fore'ma hania zana ana kapufintike nege. Tamagra havi avu'ava huta ranimofo kapu'a erita e'naze.
6Agra zamaririno ome zamazerino, anage huno zamasmi'ne.
7Zamagra anage huza asmi'naze, na'a higeno ranimo'a amanahu kea hie? Eriza vahe kamota amanahu'zana huga osu'none!
8Keho, beki ku avazaretima zgoma haketa Kenani mopareti eritama kagrite e'nonana. Inakna huta tagra kagri ramofo nompintira silvane, golinena musufa segahu'ne?
9Ina eri'za vahe kamofo beki kupintima hakenka eri fore hnunka, ana mofona ahe frigeta, tagra rantimofo kazokzo eri'za vahe'a mani'mneno.
10Agra anage hu'ne, menina kema hzaza hugahue, iza'o eri nenige'na hakena eri fore hanumo'a, nagri kazo kzo eri'za ne' manigahie. Hanki mago'amota anazama osanamota knare hu'nazankita amne vugahaze.
11Anage hige'za magoke magoke vahe'mo'za ame hu'za ku'zmi hanti mopafi ante'za, eri heta hzageno ana kapugu hakre'ne.
12Agra agafa huno nempuzmireti hakeno vuno nagna zamire uhnatino, ana kapua Benjameni beki kupinti eri fore hu'ne.
13Anante zamagra kukena zami sagne nehu'za, hakareza donki agumpi erinte'za ete rankumatega vu'naze.
14Anante Juda'a afuhe'zane Josefe nonte ehanatizana, Josefe nompinka mani'negeza avuga mopafi ruzaganiza mse'naze.
15Josefe afuhei'gizmi zamasmi'ne, na'a higeta havizana hu'naze? Tmagra ontahinazo, nagra kasnampa (divinesen) tro huna oku menenia'zana kena eri fore osugahuo?
16Juda anage hu'ne, na'ane huta ranimoka hugahune? Nanke hugahune? Inankna huta fatgo hu'none hugahune? Anumzamo kagri eri'za vahe'mofo kumira keno eri fore hu'ne, Antahio, tagrane kapu eri'negenka kenka eri fore hu'namo enena, ranimofo kazokzo eri'za vahere.
17Hianagi Josefe zamasmi'no, nagra einahu'zana osugahue. Ina nemofo beki kupinti kapu niama eri fore'ma hunemo kazo kzo eri'za eri nantegahie. Hagi ruga'amota nermafa hirega tamarimpa frune vugahaze.
18Juda'a Josefente erava'o nehuno, anage hu'ne, ranimoke, muse (plis) hue, knare kagri eri'za vahe'mona ranimoka kagesafina kea hugahuo, krimpa kna eri'za vahe kamofona huonto, kagrane Fero enena mago'zahu hu'na'e.
19Rantimoka eri'za vaheka'a tantahigenka, anage hu'nane, tamagrira nermafa ene nermagna enena manineo?
20Tagra ranimofo asmi'none, nerfa'a ranafa re'ne, ranafa refinka osi mofavre ante'ne. Menina osi ne'mofo nempu'amo frigeno agrake nerera enena mani'negeno, nefa'a avesinente.
21Hagi kagra eri'za vaheka'agu anage hu'nane, ana mofavre'a avreta nagrite enkena ka'neno hu'nane.
22Hianagi tagra ranimokagura anage hu'none, osi ne'moa nefana otregahie, hanki nefama atrenoma esigeno'a nefa'a frigahie.
23Hianagi kagra eri'za vaheka'agura anage hu'nane, nermagnama avreta omesuta, nagri navufina onke'gosaze.
24Anankema hutanketa tagra nerfa hirega kagri eri'za vahete uhnatita, tagra rantimo hia kea asmi'none.
25Henka nerfa'a anage hu'ne, ete vuta osia ne'za ome miza seho.
26Hianagi anage hu'none, tagranema nergana'ma ovanigeta tagra uoramigahune. Ana ne'mofo avugosa nerganama tagrane ovanigeta onkegahune.
27Kagri eri'za vahe nenfa tagriku anage hu'ne, tamagra antahi'naze a'nimo tare ne'mofavre kse nmi'ne.
28Mago'mo'a fanane hige'na nagra anage hu'noe, mago'a zgamo aheno tgana vazinegahie nehu'na, nagra mago'enena onke'noe.
29Mago'ene ama negnama avreta vnagenoma, anahu hazenke erisigeta, nagrira efe nazokara nazeri ante henkma tesankeno nasuzamo nahe frina, fri vahe kumapi (Seol) umanigahue.
30E'ina hu'negu kagri eri'za vahe nerfante nagra vanugeno, ana mofavrema tagrane omesiana, nerfa'a agu amena ana mofavrefi ante'ne.
31Nerfama kesigeno ana mofavremo tagrane ovanigeno'a, agra frigahie. E'inama eri'za vahe ka'mota hanuta, nerfana eri'za ne' ka'a efe azoka'ra azeri ante henkma antesunkeno asuzampi mani'neno, fri vahe kumapi (Seol) umanigahie.
32Eriza vahe'kamona ana neku huvempa huna asmino'e, nenfaga nagrama avre'na omesugeno'a ana knazana nagrite mevava hugahie.
33E'ina hu'negu muse (plis) hugantoanki natrege'na nagra eri'za vahe kamona nergna nona hu'na kazo kzo eri'za ranimofonte eri'nena, nergnana atregeno nefuzane vino.
34Na'ankure Asuzamo nenfana azeri haviza huzanku nentahuanagi, inankna hu'na nenfantera vugahue nenagnama ovanige'na?
