1Labani mofavre naga'mo'za nehza kea Jekopu agesamo antahi'ne, Jekopu'a nerfa zana maka eri vgare, nerfa zanteti agra feno vahe fore huno manie.
2Hanki Jekopu'a Labani avu'avama keana ko'ma nehiaza osu'ne, avugosa hunenanteno ha' vahe'mo hiaza hu'ne.
3Ana nehigeno Ra Anumzamo Jekopu asmi'ne, Nagra kagrane manigahuanki negafagizmi moparega vaheka'afi vuo.
4Jekopu ana ke nentahino afu'zgane mani'nerega e'ogu, Resoline, Leagiznirega ke atreznanteno,
5anage hige'ne anante akeno amanage huno znasmi'ne, Nernafa'a ko'ma nehiaza huno nagranena kiza zokago huno menina nomni'e, avugosamo'a ruzahu nehige'na negoe, hianagi nenfa Anumzamo nagrane mani'ne.
6Nagrama nernafa eri'zama tusi namu'na sisi nehigena hanveni'a atre'nama eri'noana, tanagra nageta antahita hu'na'e.
7Anama hu'nogura agesa ontahino, renavatga huno mizani'a 10ni'a zupa eri antenaga henkma hu'ne, ana hianagi Anumzamo'a atregeno navufgarera mago'zana osu'ne.
8Kora Labani'a amanage huno nasmi'neane, maka'a tupri tapri azoka ene afu'zga eri'za enerina mizanka'e, higeno tupri tapri ke'za fore hu'ne, agrono tegre ramira mizanka'e hiana anazanke hu'ne.
9E'ina higeno Anumzamo nernafa azampintira memene, sipisipine, rama'a nagri avre nmi vare'ne.
10Hanki afu'zgamo agafihea knafi navu kesga hu'na ava'na amanahu ke'noe. Maka'a ve mememofo avufgarera tupri tapri ene agrono krerami krerami azoka me'negena negogeno a' mememofo agumpina mreri'ne.
11Anumzamofo ankeromo ava'nare amanage huno nagia he'ne. Jekopuo! Hige'na, voe ama mani'noe hu'na asmi'noe.
12Anumzamofo ankeromo amanage hu'ne. tupri tapri'ene avon krerami'nea ve meme zgamo a' meme agumpima mrerime neviana, kesga hunka ko, Labani maka'a avu'ava hunegante'mofona Nagra ko ke'noe.
13Nagra Betelima eforema hugenka have eri atru hunka masve taginka frentenana Anumzamona, navufi huvempa hu'namone, meni otio, ama kumara atrenka, fore'ma hu'nana kumatega vuo.
14Resolike, Leake ana naneke nentahi'ne, amanage hu'na'e. Tagra nerfa afu fenompintira mago'zama erisu'a zana huhampri oranteneanki na'a hugahu'e?
15Hagi nerfa'a ko hurantegeta ruregati emani vahe kna hu'noe. Tagrira ko mizante tatre'ne, Tagriteti afufeno eriana ko ana afu fenona atre hana hu'ne.
16Tmage nerfa azampinti Anumzamo maka zama kagri hanre kamiana, e'i ana maka zana tagri ene mofavre'tine suzane. E'igu Anumzamo'ma kasmi'niaza huo.
17Jekopu'a otino maka a' mofavre'a, kemori afu'mofo agumpi zamarentere hu'ne.
18Maka'a afu'ane, fenoma'ane emani'neno eritru hu'nea zana zogi hana huno Padan-aram atre'no, Kenani moparega Aisaki'a nefa hirega vu'ne.
19Labania, sipisipi azoka nehreno afete mani'negeno. Kenani vunaku tro nehzageno Labani'a havi anumzante mono hunentea'za, Resoli'a nompi mrerino musufa seno erino vu'ne.
20Jekopu'a Arameani nera Labanina osmi revatga nehuno freno vu'ne.
21Jekopu'a maka zama'ane erino otino fre'no vu'no, Yufretis tina tka heno Gileati agonarega avugosa hunteno vu'ne.
22Tare gna manitege'za, anante zupa, Labanina mago'a vahe'mo'za asamiza, Jekopu'a hago katreno fre'ne hu'za asmi'naze.
23Labani ananke nentahino naga'a nezmareno Jekopuna arotgo hu'za vu'naze. Agene re'nazana 7ni'a hanine, zgene karanka mse'naze. Jekopuna Gileati agonafi mani'nege'za ome azeri'naze.
24Hianagi Anumzamo Labani Arameani ne' kenage ava'nafi eno asmi'ne, Kva huo, Jekopuna magore hunka so'e kefi havigea huonto huno avanafina asamine.
25Labani'a Jekopu'na ana agonafi ome azeri'ne. Jekopu'a seli no omegino mase'ne, hagi Labani'a mago kaziga vahe'ane seli no omegino, Gileati agonafi mase'naze.
26Labani'a Jekopuna anage huno asmi'ne, Kagra nahigenka renavatga hutenka mofani'a trena hapinti kina zamare'za frazaza hunka znavrenka e'nane?
27Nahigenka okura frenka renavatga hu'nane, nasminkena sinia muse nehu'za tambori'nine, zvena nehe'za hugantagenka tatrenka asine,
28nahigenka nasminkena mofavre naga'niane, mofani'a trena zamantako nehu'na huso'e huzmantogenka zamavrenka ome'nane? Kagra mago kefo avu'avaza hu'nane.
29Nagra kagrira ha' kahenaku e'noanagi, meni kenagera masenogeno negfa Anumzamo amanage huno nasmi'ne, Jekopuna azeri koro osuo, magore hunka havi keo, so'e keo huonto huno nasmi'ne.
30Nagra antahi'noe natrenka'ma anana, na'ankure negfa nonku tusiza huno kvenesigenke, hianagi nahigenka anumzani'a noni'afintira kumzafa senka e'nane?
31Jekopu'a ana kemofo nona'a amanage huno Labani asmi'ne, na'ankure koro hu'noe, antahuana nagripintira hanve tinka mofa trenka'a hanregahane hu'na oku'a e'no'e.
32Aza'o mago'mo ana anumzanka'a erino e'nesnimofona hakrenka erifore hnankeno'a, agra anamo'a frigahie. Nagatiamofo zamufi nege'nagenka mago'a zama nagri fenompima me'neniana erigahane, Jekopu'a Resoli'ma musufa seno e'negura ontahineno, e'inage hu'ne.
33Labani'a, Jekopu seli nompi ome agafa huno hakrete'no, Lea seli nompi ome keteno, tare eri'za a' tremokizni seli nompi keme viana onke'ne. Anantera Lea seli nona atreno Resoli seli nompi umreri'ne.
34Resoli'a ana havi anumzana erino vuno kemorimofo agofetu ante'za nemniza tra'mofo agu'afinka ome antete'no agofetu manino rentrako hu'ne. Labani'a hakreno vano hiana keno eri fore osu'ne.
35Resoli'a amanage huno nefana asmi'ne, O'maotisnua zankura ranimoka ke onasuo, ika kna'ni ege'na mani'noe. Labani'a maka zampina hakre'no keno eviana ana havi anumzama'a kefore osu'ne.
36Jekopuna asi vazigeno ke ha' Labanina renteno, Jekopu'a Labaninku amanage hu'ne, Nagra mago zanka'a eri haviza hu'nogenka amanahura nehano? Naza magora hugante'nogenka navaririnka ne-enka haha'ene kea hunenantane?
37Nagri feno zama renanana naza magora kagri fenona nonka'afintira erina e'nogenka hakrenka erifore hu'nano? Hakrenkama erifore hu'nenunka, tavufi eri atru hugeta, nagri vahe'ene, kagri vahe enena negeta eri fatgo ha'mneno.
3820ti'a kafumofo agu'afima eri'za erigante'noana a' sipisipimo'o, a' mememo'o magore huno anentara kse haviza osu'neane, ve sipisipi afu zgaka'afintira magore hu'na one'noe.
39Hanki afi zgamo'ma afu'zgama aheno negena kagrira eme noksamuane, afu'zgafinti ferupi kenagepi kumazfa sage'na, nona'a nagra'a suampinti avre'na kegina ka'afi eme nentoane.
40Anahu knazampi nemnina, Zgefina zge hara tusiza huno navanesino, hagi kenagera tusiza huno zasimo'a nazeri kragenefege'na, magore hu'na navura mse so'e nosuane.
41Nagra kagri nompi 20ti'a zgegfu hu'noe, Nagra 14ni'a zgegfu taregamofa kamofo eri'za eri'noe, 6si'a kafufina afu'zgakamofo eri'za eri'noe, ana nehugenka mizani'a afu nmi'nampinti 10 ni'a zupa eri fenka anaga hu'nane.
42Hianagi nfa'niamofo Abrahamu Anumzamo, e'i ana Anumzante Aisaki koro hunentea Anumzamo nagrane omni'nesina, antahuana kagra menina nza navapa hunantanke'na osine. Hianagi narimpa knazampi mani'nomofona Anumzamo nenageno, nazampinti hanve eri'za eri'nomofona negeno, kengera hanavege kasmi'ne.
43Labani'a ke nona'a amanage huno Jekopuna asmi'ne, Tare mofatrena nagri mofatre mani'na'e, hanki mofavre zga nagri mofavre zge, afu'zga nagri afu'zge, maka zama neganana nagrike zane. Hianagi menia nagra inankna hugahue, mofatreni'ane mofavrema kse zamantena'a nena?
44E'igu menia egeta, naneke huvempa huteta, have zogita emeri atru huntesnukeno amu'nontiafi me'nena, henka ama anante vano nehuta negeta tagesa antahitere ha'mneno.
45Jekopu'a za'za have ome erino anante eme asente'ne.
46Jekopu naga'a ke hige'za mago'ene havea eri'za anante kevu vazinte'naze, ana hute'za ana have kevumofo tvaonte kave ne'naze.
47Labani'a ana havemofo agi'a Jegar-sahaduta'e (ana have atrumo hutagesa hugahie huno, Aramea kefi) ante'ne. Hanki Jekopu'a Galitie (ana have atrumo hu tgesa hugahie huno, Hibru kefi) ante'ne.
48Labani'a amanage hu'ne, Amama eritru hu'a havemo meni avame'za amu'nonti'afi megahie. Hu'ne nehu'ne ana havemofo agi'a Galitie hu'ne ante'na'e.
49Ete mago agi'a Mizpa hu'ne ante'na'e. Labani'a amanage hu'ne. Tagra afete mani'neta oge age osuta maka avu'ava hanu'ana, Ra Anumzamo agrake tagegahie.
50Jekopuna amanage huno mago'ene asmi'ne. Kagrama mofa'nimokini hazenke ati zanamige, mago ru a'ne erige hananana, amunonti'afina magora vahera omni'naze, ko Anumzamo agrake tagegahie.
51Labani'a mago'ene Jekopuna asmi'ne: Antahio, za'za have asento'a negenka, amama oti'noa amu'nontiafi eri atru hu'a havea ko.
52Amama mani'neta huvempa huta asento'a havemo amu'nontiafi me'nena, nagra ama ana havea agatere'na krimpa eri haviza hu'zana osugahue, hanki kagra eri atru hunto'a havene, asento'a havene agaterenka narimpa eri haviza hu'zana osuo.
53Abrahamu Anumzane, Nahori Anumzane, neznafa Anumzamo amu'nontiafi refko hurantegahie. Higeno Jekopu'a nefa Aisaki koro huno huvempa hu'ne.
54E'i ana agonafi kre sramna vu ne'za kreno naga'a zamagihu tru hige'za nete'za ana agonafi mse'naze.
55Labani'a nanterame otino mofatre ma'ane, agehe'ine nezmatgino zamantako nehuno, asomu huzmante'ne. Ana huteno, Labani'a kuma'arega ete vu'ne.
