1Aisaki ozafarfa regeno avumo'a osi'a asu higeno, zge mofavre'a Isonku amanage huno asmi'ne, mofavrenige higeno, Ama mani'noanki nahie huno higeno,
2Aisaki agra anage hu'ne, antahio menina nagra ozafarena fri knania ontahinoe.
3Menina vunka ati keveka'a erinka hofa trampinti zga ahenka eme namio.
4Nagri'ma navenesia ne'za kre haga hunka eme namige'na nene'na, nagu'areti manu regantete'na, mani'ne'na henka'a frineno.
5Rebeka'a agesa anteno antahi'ne Aisaki'a nemofo Isoma asmia kea, higeno Isoma trampinka zga aheno eme krenteku nefreana,
6Rebeka Jekopuna mofavre'a asmi'ne, Antahio, negfa'a negfu Isonkura nentahugeno amanage huno asmi'ne,
7zga ome ahenka kre haga hunka eme namige'na nene'na Anumzamofo avure manu regantete'na fri'neno, nehigena antahi'noe.
8Hanki mofavre'niga kasmisua kea antahio.
9Menina vunka afu kevufinti tare onensa meme avrenka eme namigena negfama avenesia ne'za kre haga hugami'nena,
10negfa'na erinka ome amisnankeno neteno, manu aregenteteno mani'neno frino.
11Hianagi Jekopu'a kenona'a Rebekana hunte'ne, Ke'nano, nempunimo'a avufga azokake ne' mani'ne, nagrira navufga nazokara ore'ne.
12Hu'neanagi nafanimo navakoma hunoma kesige'na agri avufina, nagra havige revatga nehuna, nagra nvufare manuna e'origahuanki, kna eri kofigahue.
13Anage higeno nerera'a amanage huno asmi'ne, Kagri knazamo'a nagrite egahie. Mofavre'nimoka, ke'nia erizafa hunka, vunka ome erinka eme namio.
14Anante ke hiaza huno tare mementre ome avreno nererante egeno nefama avenesia kavera kre haga huteno,
15Rebeka'a Iso zge mofavre'amofo knare kukena, nompima me'neama'a erino Jekopu hankrente'ne.
16Rebeka'a meme akru'a tga huno, tarega azantrempi antenenteno, azoka onte avufgare anankempi antente'ne.
17Kave'ma kre haga huntea ne'zane, bretima troma hunteana nemofo Jekopu ami'ne.
18Nfa'amofonte Jekopu uhanitino amanage huno hu'ne, Nfa'o, higeno, nfa'amo amanage hu'ne, kma ama mani'noanki, Kagra izaga, ina mofavrenimoka nehane?
19Jekopu nafa'amofo asmi'ne, zge mofavre kamona Nagra Isone, ke hunantanaza hu'na neza kreri'na neoe. Muse (plis) hugantoanki otinka maninenka erinka nezanka'a nenenka manurenanto.
20Hianagi Aisaki'a nemofonku amanage huno asmi'ne, mensi hugantogenka vu'nananki, inankna hunka ame' hunka neane, mofavre nimoka? Na'ankure Ra Anumza, kagri Anumzamo naza huno eri fore hunamige'ne.
21Aisaki'a asmi'ne, muse (plis) hugantoanki tvaonte e'nege'na kavufga kvako hu'na ka'neno. Tmage Isoga mani'nampi?
22Higeno Jekopu'a nefa tva'onte egeno avufgare azerino ke'ne. Kagerumo'a Jekopu ageru kna nehie. Hanki kazamo'a Iso azankna nehie.
23Aisaki'a ke so'e osune, na'ankure azamo'a azokake huno nefu Iso azankna hu'negeno, Aisaki'a Jekopu manu rentene.
24Aisaki amanage hu'ne, Tmage hunka kagra mofavre ni'a Isoga mani'nano? higeno, Jekopu revatga huno, Izo nagra anane.
25Hanki ana ne'za erinka eme nmige'na nene'na manu reganta'neno higeno, Ana ne'zane, waeni tine erino eme amigeno ne'ne.
26Anante nefa Aisaki'a nemofonku anage hu'ne, Muse (plis) hugantoanki mofavre' nimoka nagrite enka eme nantako huo.
27Eazamo eme antako nehigeno, kena'aretima mna nevigeno nentahino'a, anante manu renenteno amanage hu'ne, Ko, mofavreni'amofo mna. E'i ana mnamo'a hozamofo Ra Anumzamo asomu huntegeno, nevia kna mna nevie.
28Nagri'ma navesiana, menina Anumzamo'a monafinkati ata' kora kamisigeno, mopa aru fru hanigeno, nezamo'a hakare nehuno, rga nerenkeno ksefa wainimo enena hakare hugahie.
29Veamo'za kagri eri'za enerisageno, maka moparegati vahe'mo'za zamarena reza kagrite zamagena hantgigahaze. Kagra kafuhe'ina razimi manigahane, negrera mofavre zgamoza zamarena re'za kepri hugante'saze. Kagrima sifna hugantesamo'za zamagranena sifna erigahaze, asomu hugante'samo'za, asomu erigahaze.
30Aisaki'a Jekopuna manu rente vgaregeno, hagi Jekopu'a Aisakina anama atreno atirmino arugagino nevigeno, Iso'a zga zantetira e'ne.
31Agranena haga'ane ne'za tro huno nefante erino e'ne. Iso'a anage huno asmi'ne, Nfa'nimoka otinka negamofo zgagfa netenka, henka manurenanto.
32Nefa Aisaki amanage huno kenona hu'ne, Kagra azage? Nagra Iso'ne, zge mofavre kamo'ne higeno,
33Aisakina tusi'a ahirahi neregeno amanage hu'ne, Aza' zga aheno kreno eme nmige'na nete'na, asomura huntogeno vigenka kagra henka neane? Ne'zama'a eri'na nete'na koma manu rente'noa manuna anante megahie.
34Iso'a nafa'amo hianke nentahino tusiza huno rimpamo haviza nehigeno, tusiza huno zavira neteno nfa'amofona asmi'ne, Nfa'nimoka! Nagri'enena ana zanke hunka manurenanto!
35Hianagi naganakamo havige eme renavatga huno kagrima kamiku'ma hu'noa manuna ko emerino vu'ne.
36Iso amanage hu'ne, Jekopu'e hunka agima ante'minanana tamage, tare zupa nagri ku'ma eri'ne? Kota mofavre'mona asomura agra eri'ne, menina ko, nagri asomura agrake e'nerie. Nehuno amanage hu'ne, Menina mago'a manuni'a eri nante'nano?
37Higeno, Aisaki'a Iso ke'are nona hu'ne, Antahio hago kva vaheka'a azeri oti'noe, hakare naga'a eri'za vahere hu'na huzmante'noe, ana nehu'na hoza kave ene ksefa wainimo agri azeri sga hugahie. Hanki mofavre'niga, nagra na'a hugantegahue?
38Iso'a nefa asmi'ne, Nafanimoke, kagra magoke manutfana erinano? Nagri'ene manurenantogu nehue, nenfao huno nehuno Iso'a krafa huno tusi zvi ate'ne.
39Anante nefa Aisaki kenona huno asmi'ne, Antahio, kagra msavema'a omnesia mopafi manigahane. Anagamu monafinkatira, ata'mo mopakafina oramigahie.
40Ama mopare manisnanana ha' nehunka manigahane, ana nehunka nganakamofo katoza humigahane. Hinkenka mani rva osunka, agra kaomofo anankempi agare namare zafa anteno azeri kante nehiankna zafa knankempima ante'neana, kagra eri hantagi atregahane.
41Aisaki Jekopuma manu rente'nea zanku, Iso'a nagna'a mofo antahi haviza hunteno asi vazinte'no, amanage huno hu'ne, Nafa'nimofonku'ma nasunku husua kna egofta hie, hankina henka'a nagra naganani'a Jekopuna kegahue.
42Zge mofavre'amo Iso'ma hianke Rebekana eme asmi'zageno, anante mofavre'a Jekopu agi higeno egeno anage huno asmi'ne, Kma antahio, negafu Iso'a rimpa antefru huteno, kagrira kahe frinaku ke retro hie.
43E'igu menina mofavre'nimoka keni'a erizafa hunka, otinka frenka Harani nensaro Labani nehirega vuo!
44Mago'a gna agrane umani'negeno, negfuna rimpa ahezamo'a ravaheno,
45Kagrima rimpa ahegante'neama fru huno ageknina, anante ke ha'nenkenka egahane, nankna huna tarega'motna magoke'zupa frisnake'na nasunkura hugahue?
46Rebeka'a Aisakinku hu'ne, Nagra navesra hie manizankura, na'ankure Hiti vahe'mokizmi mofa'negura, agra Jekopu Hiti vahe'mokizmi mofanefinti a' erizankura, nankna huno knarera mani'zanimo'a hugahie?
