1Abrahamuna tusiza huno hakare'a zama'afi Ra Anumzamo asomu hunentegeno mani'neno ozafare'ne.
2Korapa eri'za ne'a, maka'a fenonte ene nonte kegva gri'nea ne'ku, Abrahamu amanage huno asmi'ne, Muse (plis) hugantoanki kzana namo'mofo fenka anto.
3Kagra huvempa hunka Ra Anumzana, monama troma hu'nea Anumzane ama mopama troma hu'nea Anumzante, tamage hunka Kenani mopafinti ara ne'nimofona eri omigahane.
4Hagi vunka mopa agafa'niare vahe'niafinti a' uvrenka Aisakina eme amio.
5Eri'za ne'amo Abrahamu asmi'ne, Hanki ana a'mo navririno'ma ama mopare omena, ete negamofona avre'na mopakare ome atregahufi?
6Anante Abrahamu'a eri'za ne'a asmi'ne, I'o hue! ne'nimofona avrenka ovutfa hugahane.
7Monafinka Ra Anumzamo nemni'a Anumzamo nenfa vahe'pinti ene fore hu'noa mopareti, navreno emenanteno amanage huno huvempa huno nasmi'ne, ama mopa nagakamofo zamigahue, huno hu'neankino Anumzamo mago ankero vahera huntenkeno kagota hugantenkenka, Aisaki nenaro anantegati uvrenka egahane.
8Hagi ana a'mo, ovugahuema hinkenka huvempama hu'nana kegu koro osunka atrenka eno. Hagi ne'nimofona ana mopare avrenka ovugahane.
9Anage higeno, eri'za ne'amo azana Abrahamu amo'mofo fenka anteno, anankere huvempa hu'ne.
10Eri'za ne'amo kemori afura 10ni'a ozafa'amofo kemorifinti nezmareno, mago'a knare nare'zana azampi ozafa'areti enerino, otino Mesopotamia, Nahori rankumate vu'ne.
11Kemori afu'tmina zamazeri rena rezmantege'za, tinkerire a'nemo'za ti nefiza knare kinaga rankuma'mofo fegi'a mani'naze.
12Eri'za ne'mo amanage huno nunamu hu'ne, Ra Anumzane, ozafani'amofo Abrahamu Anumza'moka muse (plis) hugantoanki, menina antahi nminka, ozafani'a Abrahamuna avesintenka azeri so'e hnane.
13Keho, ti hnatite nagra otina mani'nanena, rankumate vahe'mokizmi mofanemo'za ti afinakura egahaze.
14Mago mofaku'ma hu'na, Muse (plis) hugantoanki, ti afi kavo ante mopafitege'na afi'na na'neno nehnugeno, tina nenege'na kemorika'a afi zami'neno, huno hanimo eri'za neka'a Aisaki nenaroza hugahie. Anama hinke'na, Abrahamu ozafani'a avesintenka azeri so'e hane hugahue.
15Nunmuna huvga ore'neno, keana mago mofara Rebeka agra ti afi kvo afunte kofino atirmino e'ne. Milka nemofo Betuel ksente'nea mofa, (Milka'a, Abrahamu negna Nahori nenaro'e),
16Ana mofara vemo ke asane hu'are, vene'nene omse'nea mofamo, tintega uramino kvo'afi ti omefirino mrerino e'ne.
17Abrahamu eri'za ne'mo, ana mofa'mo ti afirino mrerige'no agia reno ome antahige'ne ana mofara, Muse hugantoanki kvoka'afinti osi'a tina nmisanke'na nesue.
18Ana mofa'mo hu'ne, ranimoka amne negahane nehuno ana kvo'a anteme ramino azeri sga huntegeno ne'ne.
19Amigeno netegeno, ana mofa'mo asmi'ne, Kemorika'a ana zanke hu'na tina afi zami'nena nezmu hugahaze,
20Huteno ame huno tina kvo'finti afu'moza ti nenaza zompafi taginte zamantege'za nenageno, ufino ete ete huno neragige'za ana maka kemorimo'za nevgare'naze.
21Ana nehigeno ke osu'no ana mofa'mofo avufi negeno mani'ne, Kama ante'na e'nomofona, Anumzamo'a naza nehifi nosie huno eri'za ne'mo agesa antahi'ne.
22Kemorimo'za ti nehana hutageno, ana eri'za ne'mo golire tro hu'naza rini kna'amo 5fu'a gremi hu'neane manogosane, golire tro hu'nea asana tarega azampi antaninte'ne, korimofo kna'amo 100ti'a grem hu'ne,
23nehuno ana mofaku hu'ne, Iza mofa kagra mani'nane? Muse (plis) hugantoanki nasmio, knare negfa nompina kankmuna me'nesigu umasegahuno?
24Ana mofa'mo asmi'ne, Nagra Betuel mofa mani'noe Milkane, Nahorigizni mofavremo ksenante'ne.
25Ana mofa'mo mago'ene eri'za ne' asmi'ne, Kemorimo nesia ne'zana hakare'a me'ne, hanki mse kankmunena me'ne.
26Anante ana ne'mo kepri huno, Ra Anumza'mofo mono hunte'ne.
27Eri'za ne'mo hu'ne, Rankagi kamue, ozafani'a Abrahamu Ra Anumzamoka, agekani onteno soe'za hunenteno aza nehie ozafa'nimofona, hanki nagrira Ra Anumzamo nza nehuno kana nverige'na ozafa'nimofo afu'agna nompi efatgo hue.
28Ana mofa'mo agia reno nerera nompi mani'namokizmi ana naneke ome zamasmi'ne.
29Hagi Rebeka nempu'amofo agi'a Labani'e, Labani agia reno fegi'a vuno ti fi kerire mani'nea nete vu'ne.
30Agonafi manogosa renenteno, asama azampi nesaro antani'nea negeno, nesaro Rebeka ana eri'za ne'mo asmia ke nentahino, ana netega vuno, ome keana tinkerire kemori afu'zgane otinegeno ke'ne.
31Labani ana ne' asmi'ne, Ra Anumzamo asomu hugantene'moka no agu'afi emrerio. Nahigenka fegira mani'nane, no msesanazane kamorimokizmi kuma'enena nagra ko erise hunte'noe.
32Ana ne'mo nompi mrerige'no, anante Labani'a kemori agumpinti fenoma'a erinenteno, Kemori mofo osapa trazane, ne'zane nezmino, agia sesehu ti tagi zamige'za agrane e'naza vahe'ene zamaga sese hu'naze.
33Ne'za nenogu kreno avuga eme antenentege'no amanage hu'ne, Kavera onenena mago'a naneke tmasmite'na negahue higeno, Knareki tasmisanketa antahisanune huno Labani'a hu'ne.
34Agra anage hu'ne, nagra Abrahamu eri'za ne'a e'noe.
35Ra Anumzamo tusiza huno ozafa'nimofona asomu hunentege'no afufeno ne' mani'ne, Ramo sipisipima, bulimaka'ma, silvafi, korifi, eri'za vahe'ma, a'nema, kemorima, donkima huno ami'ne.
36Hanki ozafanimofo nenaro Sera'a tavavateteno ne'mofavre kase amigeno, ana mofavremofo mika zama'a ami vgare'ne.
37Ozafanimo huvempa huno hunanteno, Kagra zamagri mopafi emani'noa vahepintira ne'mofavreni'a rera Kenani vahe'mokizmi mofa'nea avre omigahane.
38Hianagi vunka nenfa mopa agafareti, vahe'niafinti ara ome avrenka ne' mofavreni'a eme amio.
39Nagra ozafanimofonku anage hu'noe, Ana a'moma navaririno omenke'na na'a hugahu'e?
40Nagrama amage' nentoa Ra Anumzamo, Agra ankero vahe'a huntenkeno kagrane nevina kama vnana kamo'a knare hanigenka, vahe'niafinti nenfa nompinti ne'nimofo a'ra uvregahane.
41Nagrama huvempa hu'noa kemo'a kaze'origahie, kagrama nagri vahepima vnanke'za, ana a'ma onkamisageno'a, nagrama huvempa hu'noa kemo'a kaze'origahie.
42Hige'na nagra meni ti afite enehnati'na amanage hu'na hu'noe, Ra Anumzamoka ozafa'nimofo Abrahamu Anumzana, nza nehnankeno kama eno'a kamo'a knare hnie,
43amare nagra otina tinte mani'nesugeno, ina mofamo'o ti afiku'ma esanige'na ana mofaku hu'na, Muse (plis) hugantoanki tina kavoka'afintira osi'a namige'na na'neno hanugeno,
44ana mofamo nasmino, Tina nenege'na kemorikamokizmi tina afi'na eme zami'neno huno hanimo, ozafa'nimofo ne'amofo ara Ra Anumzamo hampri nente hu'na antahigahue.
45Anage hu'na nagu'afinka nunamuna nehugeno, Rebeka kvo afunte kofino tinkerireti ti afinaku uramigena kete'na, Muse (plis) hugantoanki ti afi namige'na na'neno hu'noe.
46Kavo'a afunteti ame huno anteme neramino amanage hu'ne, Tina erinka nenege'na, Kemorika'a tina afi zamineno huno hige'na, nenogeno kemori naga ti afino zamige'za ne'naze.
47Hanki nagra antahige'noe, Iza mofa mani'nane? hu'na nehugeno, Betuel mofa Nahori nemofo'e Milka ksente'neane huno hige'na, manogosa agonafi renente'na, asana azantrempi antaninte'noe.
48Ana hute'na kepri hu'na Ra Anumzamofo mono hunte'noe, Ra Anumzamofo agi ahesga hu'na, ozafanimofo Abrahamu Anumzamo'ma kva hunantege'na ozafani'mofo afu'agnapinti ne'amofo a'ra erifore hu'noe. Kagota hunantege'na ngana'amofo mofavrere' Aisaki a' eriku neoe.
49Hagi menina muse kazigati husoe huta ozafa'nimofonkura nasmiho, tmage tmarimpamo so'e osnigeta nsaminke'na, hagi nagra nentahi'na, nza tmaga'o hoga'o rukrahe ha'neno.
50Anage hige'ne Labanike, Betuelike ana kemofo nona'a asmina'e, Ra Anumzamo amanahu'zana higu, tagra mago'a havigeo tamageo osugahu'e hu'na'e.
51Rebeka ama kavuga mani'neanki, Ra Anumzamo ke hiaza hunka avrenka vugeno, ozafa kamofo ne'mofo nenaro'za hino.
52Abrahamu eri'za ne'mo nentahino, kepri huno mopafi rena reno Ra Anumzamofo muse hunte'ne.
53Abrahamu eri'za ne'mo avasese hu'zana silvare'ene, golire tro hu'naza zane, kukenane Rebeka nemino, anazanke huno mago'a knare'nare zantmina zgo'amo mreri'nea zana nesarone, nererane znami'ne.
54Zamiteno ana eri'za ne'ene agrane e'naza naga ene kave'ene tinena nete'za mase'naze. Ko'atige'za o'neti'za nanterampi amanage huno zamasmi'ne, Hunantenke'na ozafa'nimo nehirega va'neno hu'ne.
55Hianagi, nempu'amo'ene nerera'kea anage hu'na'e, A'o atrenkeno mago'agna maniteno, 10ni'agna azana agaterete'na, avre tma vugahaze.
56Anage nehakeno, a'o nazeri rentrako osi'o. Ra Anumzamo naza nehigeno eri'za nami'nemo knare hu'negu, hunantenke'na ete ozafanimo nehirega va'neno hige'ne,
57ana mofa'mofo avesi antahigeta kesu'e nehu'ne,
58Anante Rebeka ke hakeno ege'ne antahige'na'e, Kagra ama ne'enena vugahano? Ana mofa'mo huno, ozo vugahu'e hu'ne.
59Anantera zamagra nezmasaro Rebekana huntageno vu'ne, kegvama hunentea a'ene, Abrahamu eri'za ne'ene, agrane e'naza naga'ene ana maka vu'naze.
60Rebekana asomu ke hunente'za amanage hu'naze, Kagra, tagri nersaroga, Kagripinti tusi'a vahe krerfa fore hugahaze. Hagi kagri kagehe'za zamesi ozmantesaza vahe'mokizmi rankumazmi zamahe'za hanregahaze.
61Rebeka'ene, mago'a agri eri'za a'nene oti'za kemori agumpi mreri'za, ana ne'mofo amage vu'naze. Higeno Abrahamu eri'za ne'mo Rebekana avreno vu'ne.
62Aisaki'a Ber-lahai-roiti eno, Negev agra emani'ne.
63Aisaki'a mago kinaga vuno hofage kopi umani'neno agesa antahi antahi nehuno kesga huno keana, kemori'zga neageno ke'ne.
64Rebeka'a kesga huno Aisakina negeno kemori agumpinti erami'ne.
65Eri'za ne'ku amanage hu'ne, aza amanu nera tavrenakura ne-e? Higeno eri'za ne'mo huno e'i nagri ozafe higeno. Anante Rebeka tavrave erino avugosa refite'ne.
66Eri'za nemo Aisakina hakare zama hu'nea zana asmi vare'ne.
67Ana hutegeno Aisaki'a Rebekana avreno nerera Sera seri nompi ome antegeno nenaroza higeno, avesintene. Aisakina nerera'a fri'nere amena eme arentinti hu'ne.
