Jenesis-Agafa 46

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Huteno Israeli'a afufenoma'a miko enerino Isipi vu'ne. Bersibama unehnatino'a, afu aheno nefa Aisaki Anumzantega kre sramna vunte'ne.

²Kerage agu'afi, Anumzamo Israelina avanafi humino Jekopu, Jekopu higeno, Ama mani'noe.

³Agra anage hu'ne, Nagra Anumzamone, Nafakamofo Anumzane, Isipi vuzankura korera osuo na'ankure, nagaka'a Nagra zamazeri hakare hugahue.

⁴Kagrane magoka Isipia uramigahue, hagi Nagra tmage kvare'na ete mrerisugeno, Josefe kavurga erisu huno eri asegantegahie.

⁵Anage higeno, Jekopu Bersibati otino nevige'za amohe'za Fero'ma ome avreho huno zami'nea hosimo avazu hu'zampi (karis) nezmafa Jekopunki, ne'onse ne' mofa ene, a'ne zamigi huza anampi zamare'za vu'naze.

⁶Hakare afu zgagi, fenozmima Kenani mopareti eritru hu'nazane eri'za Isipi e'naze, Jekopu ene agehe'zane magoka maka erami'naze.

⁷Agri'a mofavre zgane, agehe'zane, maka mofa'ne zga'ane, agehemofone naga'ane, hagi agripinti fore hunaza naga'ane zamareno Isipi vu'ne.

⁸Ama'ne Israeli mofavre naga'mokizmi zamagia, Jekopu mofavre naga'ma Isipima vu'nazana. Rubeni'a Jekopuna agonesa mofavre.

⁹Rubeni ne'mofavre naga mokizmi zamagi'a, Hanoki'e, Palu'e, Hezroniki anante Karmi'e.

¹⁰Simioni ne'mofavre naga zamagi'a Jemueli'e, Jamini'e, Ohati'e, Jakini'e, Zohari'e, anante Sauri'e Kenani kumate a'mofo mofavre.

¹¹Livai ne'mofavremo kizmi zamagi'a Gersoni'e, Kohati'e, Merari'e.

¹²Juda ne'mofavre naga'mokizmi zamagi'a Eri'e, Onani'e, Sela'e, Perezi'e, Zera'e. (Hianagi Erike, Onanikea Kenani mopare fri'na'e.) Hagi, Perezi mofavre trena Hezroni ene Hamulike.

¹³Isaka ne'mofavre naga'a mokizmi zamagi'a Tola'e, Puva'e, Iobu'e, Simroni'e.

¹⁴Zebuluni ne'mofavre naga'a mokizmi zamagi'a, Seredi'e, Eloni'e, Jalili'e.

¹⁵E'i Leama, Padan-aram mani'neno Jekopu kse ami'neana magoke mofara Diana'e. Ana miko ne'mofavrene, mofa'ne naga anena 33'a vahe forehu anante anante hu'naze.

¹⁶Gadi mofavre nagara, Zifioni'e, Hagi'e, Suni'e, Ezboni'e, Eri'e, Arodi'e, Areli'e.

¹⁷Asa ne'mofavre nagara, Imna'e, Isva'e, Isvi'e, Beria'e. Hanki, nezmasaro agi'a Sera'e. Beria ne'mofavre znagi'a, Heberiki, Malkieli'e.

¹⁸E'i, Zilpa ne'mofavre nagare, Labani mofa'amofo Lea kato mofa ami'nea mofa'mo, Jekopunteti 16ti'a vahe forehu anante anante hu'naze.

¹⁹Jekopu nenaro Resoli ne'mofavre trena, Josefe ene, Benjameni'ke.

²⁰Josefe Isipi mopare umaninegeno Manaseke, Efraimike, fore hu'na'e. Asenati'a, Potifera Oni kumate (mago agi'a Heliopolis) mono kva ne'mofo mofamo, kse ami'ne.

²¹Benjameni ne'mofavre nagara, Bela'e, Besa'e, Asbeli'e, Gera'e, Neimeni'e, Ehi'e, Rosi'e, Mapimi'e, Hapimi'e, Ardi'e.

²²E'i, Resol mofavre naga Jekopunteti kse zamante'ne. Ana miko'a 14ni'a vahe forehu anante anante hu'naze.

²³Dani ne'mofavre'a Husimi'e.

²⁴Naftalae ne'mofavre nagara, Jazili'e, Guni'e, Jezeri'e, Silemi'e.

²⁵E'i Bilha ne'mofavre naga'ma, Labani mofa'amofo Resol kato mofa ami'nea mofamo, Jekopunteti kse zamante'ne. Ana maka'a 7ni'a vahere.

²⁶Hakare Jekopu naga'ma Isipima e'nazana, agri'pintima fore'ma hunante anante hu'naza nagare, hagi Jekopu ne'mofavremokizmi a'ne nagara anampinka ohampri'naze, ana miko'a 66si'a vahere.

²⁷Hagi Josefe Isipi umani'neno mofavre erifore hu'neana, tare ne'mofavre kse znante'ne, ana higeno hakare Jekopu ene naga anema Isipi e'nazana ana maka'a 70ti'a vahere.

²⁸Jekopu'a vunaku nehuno Juda huntegeno Josefentega vu'ne, Goseni kama eri anima hanigeno agrama vanigu hige'za, zamagra Goseni mopare e'naze.

²⁹Josefe hosi afu'a retro huno karisifi Goseni mrerino nefa Israeli kenaku vu'ne. Anama avure e'hnatigeno'a, anankempi azeri anukino zvira zanra kna atente'ne.

³⁰Anante, Israeli'a amanage huno Josefena asmi'ne, Menina natrege'na mani'nena fri'neno, ofrinka knare hunka mani'nankena kvugosafina eme kagoe.

³¹Higeno Josefe afuhe'inku ene nefa nagaku enena amanage hu'ne, Nagra mrerina Feronte vu'na, amanage hugahue, Nafuhe'zane, nafanimofo naga enena, Kenani mopareti nagritega e'naze hu'na asmigahue.

³²Hagi zamagra sipisipi kva nehza vahere, traza nenaza afu korapa kva nehzane, hagi zamagra sipisipi kevu zamine, afu kevu zamine, makaza zamine eri'za e'naze.

³³Fero'ma ke huno eri'za tamigu tamantahigenketa,

³⁴anage hugahaze, Tagrane nerfa zanena eri'za vahe kamota afu' kva huta korapa nehzave maninonte eta menima e'none huta, tamagrama hanageno'a, tamagrira tamatresigetma Goseni mopare umanigahaze. Isipi vahe'mo'za hakare afu kva vahekura, zamesra huzmante'za zamagonetaze.