IOSUA 22:4-7

⁴Harihari Iehova, emui Dirava, ese varavaramui na laḡa-ani vada e henidia, e gwau henidia hamata heḡereḡerena: taunabunai a lou lao, emui noho gabuna, emui tano korikori, Iehova ena hesiai tauna Mose ese e henimui tanona Ioridane sinavaina unukahana ai, ba lou henia.

⁵A nahuamui ba toho, Iehova ena hesiai tauna Mose ese e henimui haheḡanidia bona taravatudia ba badinadia, bona Iehova, emui Dirava, ba lalokau henia, ena dala iboudiai ba raka bona ena haheḡani ba badinadia, bona ia enai ba tao bona ia isiaina ba lao heni mai lalomui idoidiai bona mai laumamui idoidiai.

⁶Taunabunai Iosua ese e hanamodia, bena e siaidia. Bena idia na edia noho gabuna ela.

⁷Manase iduhuna kahana be Mose ese edia tano e henidia Basan ai, a iduhu kahana be Iosua ese edia tano e henidia, Ioridane sinavaina lahara kahana ai, varavaradia badibadidiai. Bena Iosua ese e siaidia, edia noho gabudia baela, negana ai, ia ese e hanamodia,