IOSUA 19:13-42

¹³ma unu amo ela bona Daberata. Bena e dae ela, ela bona Iafia. Unu amo ma ela, mairiveina dina dae kahana ai, ela bona Gata-hefere bona Ete-kasin. Ma unu amo ela, ela bona Rimon bona Nea.

¹⁴Mirigini kahana ai, hetoa na Hanaton amo ela, ela bona Iftahele kourana ai e hadoko.

¹⁵Katata bona Nahalala bona Simron bona Idala bona Betelehem danu idia edia. Edia hanua iboudiai na gwauta-rua, mai edia hanua maraḡidia ida.

¹⁶Sebulun taudia ahudia bunu, edia dogoro ta ta ai: unu hanua e abi, mai edia hanua maraḡidia ida.

¹⁷E duanaia oreana ihahanina na Isakara iduhuna, ena doḡoro ta ta ai.

¹⁸Edia tano bini: Iesrele; Kesuloto; Sunem;

¹⁹Hafaraim; Sion; Anaharata;

²⁰Rabiti; Kision; Ebe;

²¹Remete; En-ganim; En-hada; Bete-pase.

²²Edia tano hetoana danu ela, ela bona Taboro bona Sahasuma bona Bete-semese; bena hetoa na Ioridane sinavaina ai e hadoko. Hanua iboudiai na gwautatauratoi, mai edia hanua maraḡidia ida.

²³Isakara taudia ahudia bunu, edia doḡoro ta ta ai: hanua bona hanua maraḡidia.

²⁴E duanaia oreana iha-imana na Asere iduhuna, edia doḡoro ta ta ai.

²⁵Edia tano bini: Helkat bona Hali bona Betene bona Akasaf

²⁶bona Alamelek bona Amad bona Misala. Lahara kahana ai, edia tano hetoana na ela, ela bona Karamele bona Sihoro-libnata.

²⁷Una amo mairiveina kahana amo ela, ela bona Bete-dagon bona Sebulun bona Iftahele kourana; ma mirigini kahana amo ela, ela bona Bet-emek bona Neiele; ma mirigini kahana amo ela, ela bona Kabulu

²⁸bona Ebron bona Rehob bona Hamon bona Kana, ma ela bona hanua badana Sidono.

²⁹Unu amo hetoa ma ela, ela bona Rama, ela bona maḡu badana hanuana Turo; unu amo ma ela, ela bona Hosa, bona kone ai e hadoko; Mahalab bona Aksib

³⁰bona Umaha bona Afek bona Rehob danu idia edia. Hanua iboudiai na ruahui-rua, mai edia hanua maraḡidia ida.

³¹Asere taudia ahudia bunu, edia doḡoro ta ta ai: hanua bona hanua maragidia.

³²E duanaia oreana ihatauratoina na Napatali iduhuna, ena doḡoro ta ta ai.

³³Edia tano hetoana na Helef amo e matamaia, oak auna Saananim ai amo, bona Adaminekeb bona labnele amo, ela bona Lakumu; bena Ioridane sinavaina ai e hadoko.

³⁴Bena hetoa na lahara kahana ai ela, ela bona Asnoto-taboro, ma unu amo ela bona Hukok. Sebulun na diho kahana ai, Asere na lahara kahana ai, bona Iuda na mairiveina kahana ai, Ioridane sinavaina badinai.

³⁵Hanua mai maḡudia bini: Sidim, Sere, Hamat, Rakata, Kinerete,

³⁶Adama, Rama, Hasoro,

³⁷Kede, Edrei, Enhasoro,

³⁸Irono, Migdalele, Horeme, Bet-anata, Bete-seme. Hanua iboudiai na gwauta taurahani-ta, mai edia hanua maraḡidia ida.

³⁹Napatali taudia ahudia bunu, edia doḡoro ta ta ai: hanua bona hanua maraḡidia.

⁴⁰E duanaia oreana ihahituna na Dan iduhuna, ena doḡoro ta ta ai.

⁴¹Edia tano bini: Sora; Estaol; Iri-semese;

⁴²Saalabin; Aialono; Itla;