Yosuwe 19:13-42

¹³Kɔ kəyɛfɛ dəndo kɔ kəŋcepər ntende dec dɛmpɛ Kat-Hefer, kɔ Et-Katsin, kəkɔ kənarnɛ Rimon, kɔ kəkafələr haŋ Neha.

¹⁴Kɔ kələŋcər kaŋkɔ kəŋkɔ kəkafələr ntende kəca kəmeriya ka nde dec dɛmpɛ Hanaton mɔ, kəkɔ kəfutər nde mɔrɔ dacɔ nde aranta ŋa Yifta-El.

¹⁵Kɛ kəŋan kəlɛkɛnɛ Katat, Nahalal, Simrɔŋ, Yidala, kɔ Betlɛhɛm. Ŋanasɔtɔ sədare wəco kɔ mɛrəŋ (12), kɔ sədare səfɛt sa si.

¹⁶Antɔf ŋa kɛ ŋa aka Sabulon kənayi kaŋkɔ dəcor dəcor, sədare səpɔŋ sasɔkɔ kɔ sədare səfɛt sa si.

¹⁷Topoc ta maŋkəlɛ pɛnayɔnɛ pa Yisakar, kɛ ka kusuŋka ka Yisakar dəcor dəcor.

¹⁸Kələŋcər kəŋan kənakɔ haŋ Yisrel, Kesulɔt, Sunem,

¹⁹Hafarayim, Siyɔŋ, Anaharat,

²⁰Rabit, Kisiyon, Abɛc,

²¹Rɛmɛt, En-Kanim, En-Hada kɔ Bɛt-Pacɛc.

²²Kələŋcər kəŋan kəŋkɔ kəgbuŋɛnɛ Tabor, Sahacima, Bɛt-Sɛmɛs, kəkɔ kəfutər Yurdɛn, sədare wəco kɔ camət-tin (16) kɔ sədare səfɛt sa si.

²³Kɛ ka kusuŋka ka aka Yisakar kənayi kaŋkɔ dəcor dəcor, sədare səpɔŋ sasɔkɔ kɔ səfɛt sa si.

²⁴Topoc ta kəcamət mpɛ pɛnawur mɔ pɛnayɔnɛ pa kusuŋka ka Aser dəcor cor.

²⁵Ŋa ŋanayɔ kələŋcər kəyɛfɛ ka Hɛlkat, kəkɔ Hali, Bɛtɛn, Aksaf,

²⁶Alamelek, Hamhadu kɔ Misal, kəkɔ kəgbuŋɛnɛ tɔrɔ ta Karmɛl kɔ Sihɔr-Libnat,

²⁷kɔ kəŋkɔ kəkafələr kəca nkɛ dec dɛmpɛ mɔ, nde Bɛt-Dakɔŋ, kəkɔ sɔ kəgbuŋɛnɛ Sabulon, kɔ nde aranta ŋa Yifta-El nde mɔrɔ dacɔ ntende kəca kəmeriya ka nde dec dɛmpɛ Bɛt-Hemek kɔ Neyel mɔ, kəkɔ kənarnɛ Kabul, kəca kəmeriya,

²⁸kɔ kəca ka Ebərɔŋ, Rehobo, Hamon kɔ Kana, haŋ Sidɔŋ dare dɔpɔŋ.

²⁹Kɔ kələŋcər kaŋkɔ kəŋkɔ kəkafələr kəca ka Rama haŋ nde dare da saŋka da Tir, kɔ kəca ka Hosa, kɔ kəŋkɔ kəfutər nde dəkəba, kəcepərɛnɛ ta Akəsibu,

³⁰kəlɛkɛnɛ ka Huma, Afek kɔ Rehobo, sədare wəco mɛrəŋ kɔ mɛrəŋ (22) kɔ sədare səfɛt sa si.

³¹Kɛ ka kusuŋka ka Aser kənayi kaŋkɔ dəcor dəcor, sədare səpɔŋ sasɔkɔ kɔ səfɛt sa si.

³²Topoc ta camət-tin pɛnayɔnɛ kɛ ka kusuŋka ka Naftali dəcor dəcor.

³³Kələŋcər kəŋan kəŋc-kɔ kəyɛfɛ ka Helef kɔ kətɔk kəpɔŋ kəŋkɔ kəyi Cananim kəsək mɔ, kəcepər ta Adami-Nɛkɛbu kɔ Yabanel, haŋ Lakum, kɔ kəŋkɔ kəfutər Yurdɛn.

³⁴Kɔ kələŋcər kaŋkɔ kəŋkɔ kəkafələr ntende dec dɛŋkalɛ Asnɔt-Tabor mɔ, kɔ kəŋkɔ kənarnɛ Hukɔk, kɔ kəŋkafələr Sabulon kəca kətɔt ka ntende dec dɛmpɛ mɔ, nde Aser kəca nkɛ dec dɛŋkalɛ mɔ, kɔ Yehuda. Yurdɛn yeyi kələŋcər kaŋkɔ nde dec dɛmpɛ mɔ.

³⁵Sədare sa saŋka sasɔkɔ sənayɔnɛ: Cidim, Cer, Hamat, Rakat, Kineret,

³⁶Adama, Rama, Hacɔr,

³⁷Kɛdɛs, Edereyi, En-Hacɔr,

³⁸Yiron, Mikədal-El, Horem, Bɛt-Hanat kɔ Bɛt-Sɛmɛs, sədare wəco kɔ camət-maŋkəlɛ (19) kɔ sədare səfɛt sa si.

³⁹Kɛ ka kusuŋka ka Naftali kənayi kaŋkɔ dəcor dəcor, sədare səpɔŋ kɔ sədare səfɛt sa si.

⁴⁰Topoc ta camət-mɛrəŋ mpɛ pɛnawur mɔ pɛnayɔnɛ kɛ ka kusuŋka ka Dan dəcor dəcor.

⁴¹Anacəmbərɛ ŋa Corha, Ɛstɔl, Hir-Sɛmɛs,

⁴²Sahalabin, Ayalon, Yitala,