HEREVA LADA-ISIDIA 27:2-9

²Ta ese baine hanamomu, dia oi sibomu udumu; idau tauna ta ese, dia oi sibomu bibinamu.

³Nadi na metau, miri danu metau; a kavakava tauna ena hahebadu daladia na metau herea.

⁴Badu na mai dagedaḡena; ia na abata na heto; a vaḡeḡe na daika ese baine ginia ahu?

⁵Sisiba baine hedinarai na namo; lalokau baine hehuni na dika.

⁶Hetura ai e henimu berodia na mai heabidadamadia ida, a inai tauna ena haherahu momo na mai koikoidia.

⁷Boga-kunu tauna ese bada-ranuna e dadaraiamu, a hitolo tauna enai ḡau iditadia iboudiai na mai gaihodia.

⁸Ena noho gabuna e rakataniamu tauna na ena ruma e rohotaniamu manuna na heto.

⁹Dehoro bona muramura mai bonana ese lalo e hamoaleamu; a hekwakwanai ese lalo e hadikaiamu.