HEREVA LADA-ISIDIA 26:22-28

²²Hemaunu tauna ena hereva na aniani namodia taidia na heheto, boga ai e dihomu.

²³Bibinana e manada-manadamu a lalona e dikamu tauna na uro mai kopina kavari-kavarina na heto.

²⁴E heinaimu tauna na bibinana amo e helao ahumu, bona koikoi na lalona ai e huniamu danu;

²⁵hereva manadadia e gwauraimu negana ai basio kamonai henia, badina be lalo-hadai dika-rohorohodia hitu na ia lalona ai mimia.

²⁶Ena be ena heinai na koikoi ai e heḡova ahumu, to ena dika na hebou ai baine hedinarai.

²⁷Guri e ḡeiamu tauna na lalonai baine moru dobi, bona e hekeimu nadina ese e keiamu tauna na baine keia tao.

²⁸Koikoi malana ese e koidiamu taudia na e inai henidiamu, bona hahenamo koikoi herevadia e gwauraimu uduna ese hahebuatari e havaraiamu.