HEREVA LADA-ISIDIA 25:3-17

³Guba na atai ai e daemu bona tanobada na dobu gabudia ai e dihomu heḡereḡeredia, pavapava lalodia na basita tahudia diba.

⁴Miro na e havevea silver-na amo ba kakaroa oho, bena silver iḡaukaralaina tauna na kehere ta baine karaia diba;

⁵kara dika taudia na pavapva vairana amo bavabidia oho, bena ena terono na kara maoromaoro ai baine hedai.

⁶Pavapava vairanai basio hekokoroku, eiava lohia ida basio gini bou;

⁷badina be bae hamaoromu, baeto “Ini a dae mai”, be namo, a pavapava vairanai henu bae siaimu lao na dika. Matamu vada e ita karadia na

⁸hahemaoro gabuna ai basio vareailai haraḡa; badina be dokona ai ede ba kara toma, dekemu tauna ese baine hahemaraimu negana ai?

⁹Dekemu tauna sibona ida emu lalo-hadai ba herevalaia, tau ta ena lalo-hadai hehunina basio hahedinaraia;

¹⁰emu hereva baine kamonai tauna ese baine hahemaraimu bona harimu dikana basine doko na garina.

¹¹Hereva maorona ig vauraina na gold apolodia silver boseadia lalodiai na heheto;

¹²sisiba tauna mai aonegana ena hereva taia kirara tauna enai e gwauraiamu na gold gadeina eiava gold heraherana ta na heto.

¹³E siaia taudia ediai gwaukau tauna namona na ninoa parakana taboro negana ai na heto; ia ese biagudia lalodia e hamatamatadiamu.

¹⁴Se henimu herahiana e heaḡilaiamu tauna na ori bona lai asi medudia na heheto.

¹⁵Haheauka ese lohia lalona baine ania, bona mala manadana ese turia baine hakwaidua.

¹⁶Bada-ranuna boma davaria, dodinai boma ania, ianina ai lalomu baine aru bena ba mumuta na garina.

¹⁷Dekemu tauna ena ruma ai basio dae kau momo, baine hesiku bena baine inai henimu na garina.