HEREVA LADA-ISIDIA 18:9-20

⁹Ena ḡaukara ai e lahedomu tauna na hahebua-tari tauna tadikakana.

¹⁰Iehova ladana na kohoro aukana; kara maoromaoro tauna na ia lalonai e heau vareaimu bena e maurimu.

¹¹Taḡa tauna ena taḡa na hanua aukana na heto ia ena, bona maḡu badana na heto, ia igimana.

¹²Tau lalona ena heaḡi ese hahebua-tari e gunalaiamu, a lalo-manau ese heimodai e gunalaiamu.

¹³Tau ta do se kamonai negana ai na e haeremu, una na ena kavakava bona ena hemarai.

¹⁴Tau ta lalona na gorere ai baine haheauka; a dara-doko ai daika baine haheauka?

¹⁵Mai darana tauna lalona ese lalo-parara e davariamu, bona aonega tauna taiana ese lalo-parara e tahuamu.

¹⁶Tau ta ena herahia ḡauna ese ena dala e lailaiamu, lohia vairadiai e hakaudia vareaimu.

¹⁷E hereva gunamu tauna ena hereva mamina na momokani, ela bona ta ma bainema, anina baine tahu henia.

¹⁸Mari ese hepapahuahu e hadokodiamu, bona hahemaoro na siahu taudia padadiai e karaiamu.

¹⁹Tadikakana ese e kahaiamu tauna na hanua aukana na heto, a heiri-heiri na ruma aukana auridia na heheto.

²⁰Tau ta uduna huahuana amo e hahehonumu; bibinana anina amo e hahehonumu.