HEREVA LADA-ISIDIA 17:2-12

²Hesiai tauna e kara aonegamu ese ruma biaguna natuna hemarai karadia e karamu na baine biagua, bona ahuna baine abia, tadikaka ta na heto.

³Keikei na silver ena, bona lahi na gold ena, bona Iehova ese taunimanima lalodia e tohodiamu.

⁴Kara dika tauna ese dika bibinadia e kamonai henidiamu; bona koikoi tauna ese mala gageva-gagevana e hakala heniamu.

⁵Ogoḡami taudia e ḡonaḡonalaidiamu tauna ese ia ikarana Diravana na e ihi-ihiraiamu; hahehisi karadia e moalelaiamu tauna ese mata-hakani amo basine roho mauri.

⁶lahu kwaradia ihavavalaidia na tubudia; bona memero ihahairaidia na tamadia.

⁷Hereva ḡoevadia na asie heḡeregere kavakava tauna uduna ai, bona koikoi herevadia danu lohia uduna ai.

⁸Koikoi henitaona na mea nadina na heto, e henimu tauna ese unu e laloa tomamu; ena kara iboudiai anidia e varamu.

⁹Dika e gwau taomu tauna ese lalokau e tahuamu, a sivarai e piuamu tauna ese hetura e hadikaiamu.

¹⁰Sisiba herevana tamona ese lalo-parara tauna lalona e gwadaia dobumu, a hekwadi sinahu-ta ese kavakava tauna asie haberoamu.

¹¹Kara dika tauna ese daḡedaḡe e tahuamu; gwaukau tauna mai daḡedaḡena ida na ia bae siai henia.

¹²Tau ta ese bea hahinena, natuna vada e dadidia ḡauna, ida bae hedavari na sisina namo, a kavakava tauna ida bae hedavari na dika herea.