HEREVA LADA-ISIDIA 14:10-18

¹⁰Lalo sibona ese ena idita mamina e dibaiamu, bona idau tauna ta na ia ida basie moale hebou.

¹¹Kara dika tauna ena ruma baine heḡiḡi dobi, a kara maoromaoro tauna ena kalaga baine namo bada.

¹²Tau ta vairanai dala ita-itana na maoro, a dokona na mase e lao heniamu dalana.

¹³Kiri lalonai tau ta lalona e hisihisimu, bona moale dokona na lalo-hisihisi.

¹⁴Raka-muri tauna na sibona ena kara hualIuadia amo bogana baine kunu, bona tau namona na ena kara huahuadia amo danu.

¹⁵Lalo-duhu tauna ese hereva iboudiai e abi daemu, alalo-parara tauna ese e rakalaiamu dalana na e raraia taomu.

¹⁶Aonega tauna na sibona nahuana e tohoamu, bona kara dika amo e raka sirimu; a kavakava tauna ese haheauka e negeamu, bona e mata lahuimu.

¹⁷Badu haraḡa tauna na e kara kava kara kavamu, a mai darana tauna na e haheaukamu.

¹⁸Lalo-duhu taudia ahudia na kavakava, a lalo-parara taudia kwaradia na aonega ai e havavalaidiamu.