GWAY GI IDAWUU’D 138:2-8

²Aha/ c̱a’bkina ka jiŋ ’kup̱a’dup̱un mmoluŋ ’kup̱ki gu’b gi mondheleladhelel pini mo dhali c̱i mo jin ’boruwa ’bor bwa i is ki gway pini mo gom mo/en pini jin ṯelu sho’k mo dhali mii ma isiŋ ganam pini mo haali/ /e a’di i/eḵkin ki eḵ ap̱owa ris to ’baar mo ki gway pini mo dhali ki gwom pini mo.

³Ka tee jin yuḵka/ /e mo tani /e thoḵki aha/ ’twa/ mo, dhali mom’bi’th is ma ḵashiram pem mo tani markina /e is mo.

⁴Aris imaliḵ gi mony’cesh mo tani uni mini maŋ /e mo, ayy Tap̱a, haali/ uni ciḵki gwo gi ’twam pini mo.

⁵Dhali uni mini yuḵ gway ki bway gi Tap̱a mo, haali/ monyca gi Tap̱a a’di icaaca mo.

⁶Ba haali/ Tap̱a a’di i/eḵa/ eḵ mo tani a’di ki c̱iya hirdhe/ ki uni kun hatha ’ko ’ko’d ki ha’th mo, hili uni kun ’theḵ ’ba/ imis mo tani mishkina a’di ’pena dhana/ mo.

⁷Ba aha/ yana e bwaman mo jin ṯoju bwa mo tani /e ’tashki aha/ mondiki/em pem ’twa/ mo. /E ki he’th me’d pini ap̱owa nyor gi ’kwani kun ta ’kup̱ ki aha/ mo, dhali me’da bim poros pini mo tani /e ’cuḵki aha/ mo.

⁸Tap̱a a’di midi thim bwam piti yin jin ’boro’d gom aha/ mo. Mo/en pini jin ṯelu sho’k mo tani, ayy Tap̱a, a’di ’dimki ’kup̱ ki sule/ sule/ mo. Dhalku/ ki dhal miin to ki me’d pini ’pen mo.