Kap 138:2-8

²Bɨsapmɨ bɨsapmɨ but dasi galak taŋ namɨŋek kɨlano tagɨsi asal, ae mango gat gengo gat da yo morap yapmaŋ mudaŋek uŋun da wukwisi amal. Yaŋdo, nak Telagɨ Yut Madepgokon gawak gamɨŋek mango yaŋ aŋkɨsikeŋ.

³Gak do bɨsit asat bɨsapmon nandaŋ namɨsal. Aŋek tapmɨm namɨŋek butno aŋteban asal.

⁴Yawe, mɨktɨmon kɨla amɨn madep morap da gengo kɨlɨ nandayɨŋ, do uŋun da mango yaŋ aŋkɨsini dosi nandɨsat.

⁵Tɨlɨmni uŋun madepsi, do uŋun da Yawe dakon wasokni do nandaŋek kap yoni dosi nandɨsat.

⁶Yawe uŋun wukwisi egek amɨn iyɨ do nandaba paŋ amɨn uŋun nandaŋ yomɨŋek kɨlani asak. Mani iyɨ do nandaba wɨgɨsak amɨn uŋun yum dabɨl dagɨn pɨndakdak.

⁷Jɨgɨ mibɨlɨ mibɨlɨ altaŋ naba kɨlano aŋaki dɨma kɨmokdot. Uwalno da nak do japmɨ nandaŋ, mani gak tapmɨmgo madep, do si pabɨŋ yopmaŋek nak aŋpulugosol.

⁸Yawe da nak niaŋsi egɨpbeŋ ae pi ni baŋ abeŋ do nandagɨt uŋun kɨlano aŋakwan aŋ mudokeŋ. Mudok mudogɨ mɨni nak do but dasi galak taŋ namɨsal. Gak da nak wasagɨl, do dɨma ɨŋtaŋ nabi.