Psalms 138:2-8

²Ani angama motam nika temple laili mu tuek ale, nika kua nangara se diram la karo tua ko kiwem mu ko, abugura kulukek ale nip patawurikko. Mu awuk, ni ka nip se ka den mu ko sinar tasam, se mel suen biya nunga kia saparam ale kualala biya bagoso.

³Ani ka aurem se ni agiring iluwem; ni sangam aisem se angamang sokel ago bagasam.

⁴O Yawe, ali imi ko king suen la nika den ikimon ale nip patawumonko.

⁵Nuna nika munan ningo ko amilmilamon ale wur ilu se nip patawumonko, mu awuk, ni nip biya nikim garagar.

⁶Yawe kualala biya nup ago baga se ta wore, nu nunumi ago kapara alo mu nunga bitarso; bare nu nunumi patawura alo mu nongorak kaposo.

⁷Ani ikup yaman duap duap agate taiso ta wore, ni aninga sangorsam; kager kari memek alo agarak betesan ta wore, ni ka kiting sokel ago mu te aninga bataguru tasam.

⁸O Yawe, ani ko ikiem nunguningkiri mu ni keta aninga atumu sangaruko; nika gemang kua aisa mu kumik menara mena. Buta se ni me aga bitarko, mu awuk, ani nika kiting kiwol.