SALMOS 138:2-8

²Nimotlancuaquetza iixmelac motiopa catli tlatzejtzeloltic, huan nimitztlascamatis pampa nelía titetlasojtla huan titemachtli. Nochi catli techtlajtolcahuilijtoc para tijchihuas, tijtlamichihuas pampa mocamanal nelía temachtli quen ta titemachtli.

³Quema nimitztzajtzilía, ta technanquilía huan techfuerzajmaca.

⁴TOTECO, nochi tlanahuatiani catli itztoque ipan ni tlaltipactli mitztlascamatise, pampa nochi inijuanti quicaquise catli tijtlajtolcajtoc.

⁵Quena, huicase por nochi nopa huejhueyi tlamantli catli quichijtoc TOTECO, pampa ihueyitilis nelhueyi.

⁶Masque TOTECO tlahuel hueyi, yaya quintlacaquilía catli moechcapanohuaj. Pero catli mohueyimatij, monequi moquetzase huejca tlen Toteco, pampa yaya amo quinequi quinitas.

⁷Sintla niitztoc ipan tlaijiyohuilistli, ta TOTECO, techmanahuía huan techmaquixtía. Huan quema nechhuilanaj nocualancaitacahua, ta tijxitlahua momax huan techmaquixtía ica mohueyi chicahualis.

⁸TOTECO, ta tijchihuas nochi catli timoilhuijtoc para tijchihuas ipan na nonemilis. Pampa nopa tlaicnelijcayotl catli tijpiya ica na, TOTECO, amo quema tlami. Amo techtlahuelcahua pampa ta techchijchijqui.