Sam 138:2-8

²Lxlvrkibo Mangr-nzangiongr nim mz nzglqlz-krnge drtqm. X awi-ngrbo bam nqmq krm, Nzaodu-krm, x nzangidati-krm. Murde drtqm x natqm nzmyatxpx-esz'ngr.

³Mzli kc tqkrka'-ngrbo bam, ayzlume natqnge, Mz nzaetunepx-krm nzxplr-krnge.

⁴Yawe, king amrlx mz nrlc sa naglqlzlr nim, Mz nzxlr-krdr nzmrlzkr natqm.

⁵X sa na-angrlvzlr kxmu nzale-krmqng da, Mz nzmc-krdr kx myatxlz-esz'ngrn.

⁶Kxmule-esz' myalz-esz'ngrn, a' sc tqaclve-zvzq kxnzavzo-lzbqng. X avzome kxnzglqpx-lzbqng.

⁷X kxmule-esz' nzkxpungr nzprtzmqng bange, a' amnc-zpwxq ninge. X tu-zvzme mz nibrnge mz nzngyatikr drtwr enqmi rngeng ninge. X arlapxq ninge mz zmatq ngrm.

⁸Yawe, krlzx kx sa na-angidatiq drtwr amrlx kcng tqyrlq-pz'liti-ngrn ninge. Murde nzaodu-krm tqyc tqyc. Bzkq esaki nzaclve-krm krkcng amrlx tqwz-ngrn.