GENESE 23

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Sara ena mauri laḡanidia iboudiai na sinahu-ta ruahui hitu.

²Sarana Kiriat-araba ai eha mase: una hanua na Kanaan tanona ai, ladana ta be Heberon. Abraham na ruma ai e raka vareai, Sara taina e tai.

³Bena Abraham na mase rumana amo e diho, Hiti taudia e hamaorodia, eto,

⁴Lau na umui bogaragimui ai na noho hedoamu; tano ta mani a henigu, egu gara gabuna ai bainela, unuseni ai egu mase baina guria.

⁵Bena Hiti taudia ese e haere henia, eto,

⁶Ḡauka e, oi na lohia badana, ai bogaragimai ai; emai gara gabudia ai gabu herea-daena ta bavabia, emu mase ba guria; ai ta ese ena gara gabuna basine rua oiemu ai.

⁷Bena Abraham e tore isi, una tano taudia, Hiti taudia, vairadiai e igo diho;

⁸e hamaorodia, eto, Lalomui bema heḡereḡere egu mase iniseni ai bama guria, Efron Sohara boma noia daigu ai:

⁹ia ese Makapela kohuana, ena tano hetoana ai, bema henigu. Davana korikori baina henia, egu gara gabuna ai baina halaoa.

¹⁰Hari Efron na Hiti taudia bogaragidiai e helaiva. Bena Efron, Hiti tauna, ese Abraham e haere henia, Hiti taudia vairadiai bona ena hanua taudia iboudiai vairadiai, eto,

¹¹Ḡauka e, lasi; una tano mai kohuana ida baina henimu; egu bese taudia iboudiai vairadiai vada baina henimu, emu mase iguridia gabuna ai bainela.

¹²Bena Abraham ese una gabu taudia vairadiai e igo diho.

¹³Bena Abraham ese Efron e hereva henia, una gabu taudia vairadiai, eto, Mani a hakala henigu: una tano davana mani aina henimu; avabia, bena egu mase unuseni ai baina guria.

¹⁴Bena Efron ese Abraham e haere henia, eto,

¹⁵Ḡauka e, a kamonai: una tano davana na silver sekeledia sinahuhani. Ita raruosi padadai una na ḡau ta a? Emu mase unuseni ai ba guria.

¹⁶Abraham ese Efron ena hereva e kamonai, Hiti taudia vairadiai tano davana unu e gwauraia toma, bena silver sekele dia sinahu-hani, idia edia sekeleheḡereḡeredia, e henia.

¹⁷Taunabunai Efron ena tano Makapela ai, Mamare badinai, mai kohuana bona mai auna iboudiai na

¹⁸Abraham ena tano korikori ai ela. Hiti taudia vairadiai bona ena hanua lalonai e hebouva taudia iboudiai vairadiai e hoia.

¹⁹Bena Abraham ese ia adavana Sara e guria, Makapela kohuana lalonai, Mamare badinai. Una gabu na Heberon, Kanaan tanona ai.

²⁰Una tano bona una kohua be Abraham ese e abi vaitani, Hiti taudia edia amo.