Ephesians 4

1

2

3

4

5

6

¹Ime wa mina he nitro nitu Baci, mibreyi duyi zren ndindi me nitu kon uyostron mbi'a.

²Me breyi duyi zren ni katu grji nitie sensren, vusron, nikpa kpa'mbi ny'me.

³Nghonyu ndi ndu katu kabrumbi u brji tsratsra wa'a loyi nji ni si maa

⁴Ikpa riri, ni brji tsratsra riri, nawa bana yoyi ni yosron riri'a.

⁵Baci riri kpa ny'me riri ni Batisma riri.

⁶Ni Brji tsratsra riri, ni tiembu wawuu; wawuuyi he nimi wawuu.

⁷Ko nha kpa zizima ni gon u nu Kristi nu ta.

⁸Nasi'a tre ndi wa hon he ni mi shu'a a ji bi ya nimiya, da nu inu (gifts) ni ndi ba.

⁹Ange he nji, “A ho?” ba si tre ndi a ghji he ni juju meme?

¹⁰Wawu wa'a ghji wawuyi a hon he ni shu.

¹¹Baci anu inu (baye baye) na wa; manzani, anabawa bi bla tre rhji, bi khba nibi tsro.

¹²A nu ndu yi du bi hu Rhji tie mgbe mgble da me kpa Kristi.

¹³A tie nawa dadu bi hu ma khi mgbamgban ni tre ma da na ka tie mrye wa ba kaba rji'a na, bana ka tre Baci cuwo na, itre Rrhji ni shu bawo ni sron ni minde Kristi

¹⁴A he nawa ndi du ndjiori na katatie mhri ko nghu nghu wa nifu ta, ko tro memema ni tsro uche na.

¹⁵Hla tre jaji ni son, ki sen ni gon gbugbuu ni mi ma wa a hi tu'a kristi.

¹⁶Kristi a me kpa'a biwa ba kpa y'me. Ikpa kabi ni nghma nghma ma, da du kpa me kpama ni mi son.

¹⁷Mi nuyi mrye ni mi nde Baci, nala son bibi son wu bitsri wa ba son meme son wadi a hama ni kpe ndi ndia.

¹⁸Ba son ni bwu hama ni mrye ndi ndi don ban to kon rji na nitu gbe hrihri sron.

¹⁹Bana klu shon na, ba yo tumba nitie kpe bi memema.

²⁰Ana toki ba tsro ba ndu ndindi u Baci'a na.

²¹Mi ban ndi biwo ni tumaye, ndi ba tsroyi ni tuma, ura jaji tre he nimi Yesu.

²²Ba troyi ndi duyi kakon meme ma u sen cuwa ndi ka meme kpi u cice nrji taga, ahi cice ndi'a tie meme nitu meme bran shishi ma.

²³Ka meme ndi taga ni duba kayi tie sa nimi brji u sron mbi.

²⁴ndi sru ndi sa wa ba tie wu na bibi kpa Baci wa w haina ni latre ni son ndi ndi.

²⁵Kace cuwo no hla tre ndindima nitu vayime don ki rji ni kpa riri.

²⁶Tierafu ndi na latre na.

²⁷Na nu shetan kon na.

²⁸Indi wa ni ybi'a na ybi gana. ka ybi cuwo nitiendu ndi ndi ma ni fe kpe wa ani zobi wa bana heri mgbe mgble na.

²⁹Du tre memema rhju ni nyu bina, du tre ndindi ma rhju wa ari zo biwa bawo'a.

³⁰Na kpa sron brhji tsra tsra urhji tie meme na, ni tumayi ba hrayi gbyen vi u gbu j'bu.

³¹Ka gbe rjirji dri, itse, infu, ivi, kpa tsri (imren) ni kpi bi meme ma wawuu.

³²To tie ni kpambi, ni heni losron, wruhle nni kpambi nawa Rhji ni mi krisiti wruhle nitawu'a.