Deuteronomio 11

1

2

3

4

5

6

7

8

9

10

11

15

17

18

19

21

24

25

26

28

29

30

31

32

33

34

⁸Intoloy Moses ay nangwani, “Tongpalen yo amin ay inbilin ko ed wani ay agew ta say makaagadang kayo sin ginawang ay Jordan ya ta kabaelan yo ay okaen din daga ay datngan yo.

⁹Mo say iyat yo et omando di biyag yo sin daga ay inkarin Diyos sin ap-apo yo ya sin poli da. Din daga ay doy et nabaknang ya magabay di mola.

¹⁰Baken kaman ed Egipto din daga ay awni et okaen yo, tan mo manmola kayo sin kawada yo ed Egipto et masapol ay manling-et kayo ay manibsibog,

¹¹ngem din daga ay dandani ay okaen yo et kadondontogan ya tanap ay sibsibogan di odan.

¹²Kanayon ay ay-ayowanan Diyos din daga ay sana sin amin ay agew di tawen.

¹³Mo tongtongpalen yo da nan ibilin ko en dakayo ed wani ay agew ta laylayden yos Yahweh ay Diyos yo ya imongsan yo din nemnem yo ay mansilbi en sisya,

¹⁴ipawada na di odan sin kosto ay timpo ta say kanayon ay way anien yo ya wada abey obas ay amagen yos arak ya olivo ay panpespesan yos lana.

¹⁵Gomabay abe din sakati ay para sin animal yo. Wadan to amin din layden yo ay kanen sin daga ay doy.

¹⁸“Adi yon linglinglingan da nan bilbilin. Igading yo sin takkay yo ya ibedbed yo sin kitong yo ta say mangipanemnem en dakayo.

¹⁹It-itdo yo sin an-ak yo mo mantoktokdo kayo sin beey yo ono manmandan kayo sin danan ya mo bomaktad ya bomangon kayo.

²⁰Isolat yo sin hamban di pantew yo ya sin segpan di ili yo.

²¹Mo tongtongpalen yo dana, omando di biyag yo ya biyag di an-ak yo sin daga ay inkarin Apo Diyos sin ap-apo yo ya mantee kayos di si eng-enggana ay kaman din kawadan di daya ay kankanayon sin kayang di daga.

²⁶“Manpili kayo ed wani ay agew mo sino di layden yo, mo say layden yo din bindisyon ono dosa.

²⁷Mabindisyonan kayo mo patien yo din bilbilin ay itdok en dakayo ed wani.

²⁸Ngem madosa kayo mo adi yon patien yan masangaw kayo ay mandayaw si didiyosen ay adi yon dinaydayaw ed idi.

³¹Dandani ay agadangen yo din ginawang ay Jordan ta en yo okaen din daga ay indawat Yahweh ay Diyos yo en dakayo. Mo enggay inoka yo ya mantee kayos di,

³²masapol ay dadlon yon tongpalen amin din linteg ay ibagak en dakayo ed wani ay agew.”