4Hauva didira na rongorongo te tonavia na maramana talighu mana bosadira tara rongovia tana kauna na maramana. Na aho te kabu ikokou tana bona God te talua ga.
5Gaia te sogha dato mai te puipungi vaghaa na mane te vaguvagu ni sonikolu. gaia te rivurivu vaghaa na mane ni sama tautau te gonidila ni sama.
6Gaia te dato mai tana vuivunina na parako me taonia na halautuna va tana sosokona. Taho siki totobo ke polohaghinia na paparana.
7Nina vetena Lord te maemane, te vahe olia na vola na tarunga. Nina vetena Lord te manana ka varava ga. te manahara tara mua manaha.
8Na lei nina vetena Lord tara uto, rahei tara taonighi tara togotogo. Nina na lei vetena Lord tara maemane, te nia hevei na manaha tana vola.
9Nia kikinima Lord te uto, te kabu kasila.
10Nina vetena Lord tara utuni, tara maemane haia. gaighi tara liuliugha vulea na puku ni gold, mara manilu vulea va na midua.
11Gaira tara bosa dila vanira rahei tara rongovighi; na taba iga vanira rahei tara taonighi.
Buka Linge 19
Buka Linge 19:4-11