Salamo 19:4-11

⁴ia mo arinadi ie lau tanoubu maudoina boeana eai, edi riba hinage se lau tanoubu sigana eai. Duaduaridi eai mahana ena numalulu i hetoro,

⁵ia doha tautawasora harihariu wa ena numa i torohaigabaei, doha tau adiadidirina ma kodena ena dobila i laulauwatai.

⁶Ena abadalasae ede galewa tupo esau eai, i hetahetaiiri i lau e ie lage galewa sigana eai; gigiborina arinai hinage taba nige ginauri saha i tauyamui.

⁷GUIAU ena laugagaeo i lolo dumaduma, tau earuana i hemauriuioi; GUIAU ena abahemasaraha ribadi mamohoidi ede, tau nuasupusupuna i hesonoga.

⁸GUIAU ena lauheata ribadi se dudurai, tatao nuadi se hekodedi; GUIAU ena lauhesom ie a’a esegai, tatao matadi se hemaradi.

⁹GUIAU matausina ie a’a, i mia i lau e huia nige nosina; GUIAU ena hesanapu ribadi mamohoidi ede, eo se dudurai ariri.

¹⁰Ta henua aririedi abotai gold, gold gamagaridi lolololodi wa; edi amna amoamo ena amna i hemuri, amoamo wa noina eai i namnamtutu.

¹¹Ribadi wa aridi eai em heaheari tauna se ribahesanapuei; sogohidi eai ainauiana abo i lai ariri.