Buka Linge 146:6-10

⁶Gaia te gonighi na kokou mana pari mana tahi, mana oka mana lei totobo soko ilokani, me pangotighi na lei nina baubahu ke va me va.

⁷Gaia te va maemanera tara kabu vahaghitaili, me vahera na vanga tara vitolo. Ma Lord te va tatavahalea ghua gaira tara kabu pipiti.

⁸Ma Lord te davorai na matadira tana rorodo, ma Lord ghua te ghate ghalaghai na hohola itadira te mavatira, me dolovira rana maemane.

⁹Gaia Lord te pilupungisira na vure keha ghobudira, me vatoghara rana samu, mana mate sasani, me lavi rutudira na lei tinoni dika, tua didira na lei arelavaghi.

¹⁰Gaia Lord ke vaovatogha kasila. Ighoe Jerusalem, nimua na God ke vunaghi kasila tana lei vavata. Holohaba Lord!