Mboe 146:6-10

⁶Yooba, ni ta iur saamba, toono, mi tai, ramaki koroŋ boozomen ta timbotmbot pa. Mi sua ta ni imbuk pa wal kini na, ni ko mataana iŋgalŋgal mi itoto ma alok.

⁷Zin wal ta so tomtom tikam ŋoobo zin mi tiseseeze matan, na Yooba imendernder pizin mi iuluulu zin pa pataŋana kizin. Mi zin wal ta so peteltel zin, na ni ikamam kan kini. Mi wal ta so timbotmbot la kan koi bizin naman, na ni ikamkewe zin.

⁸Mi zin ta matan pisŋan na, ni iurpewe zin ma matan ipeere. Mi zin wal ta tikunkun pa pataŋana kizin na, ni iuluulu zin be tipa kat. Yooba, ni iurur leleene pizin wal ndeeŋeŋan.

⁹Mi zin wal ta so tiwe leembe pa lele sa, na ni mataana pizin. Mi zin noroŋa mi zin moondo na, ni iuluulu zin ma timbot ambai. Tamen zin wal sananŋan na, ni ipakokoogo zaala kizin ma tindeeŋe pataŋana boozo.

¹⁰Yooba ko ikam peeze ma alok. O niom Sion koyom, peeze ki Anutu tiom ko iseeŋge iseeŋge ma ila. Haleluya!