Psalms 146:6-10

⁶ni ir e sunumiy lanelang, nge fayleng, nge day, nge urngin e tin bay riy. Gubin ngiyal’ nma tay e tin ke micheg nga tagil’;

⁷mma turguy e tin bmat’aw ni fan ngak e pi’in yibe gafgow nagrad mma pi’ e ggan ngak e pi’in karm’ad ko bilig. I SOMOL e ir e pag e pi kalbus

⁸mma bing owchen e pi’in ma’ew ngar guyed ban’en. Ma sak’iynag e pi’in kar dol’gad; ba t’uf rok e girdi’ ni yad ba mat’aw.

⁹Ma yoror ko pi milekag ni yad ma par u daken e but’ rodad; ma ayuweg e pi’in ke yim’ figirngirad nge pi’in kanim’ rorad, machane ma kirebnag wo’en e pi’in kireb.

¹⁰I SOMOL e pilung ndariy n’umngin nap’an. Zion, Got rom e bay i gagiyeg ni gubin ngiyal’. Ngan pining e sorok ngak SOMOL!