Buka Linge 145:2-14

²Inau ku bosa utoa na ahamu tana lei bongi soko, mu ku holohabagho haia.

³Gaia Lord te haba, e ulaghana sughua ge ka hea na holohaba, ka mua bosa kakalea nina malei haba.

⁴Tana lei vavata, na lei dalemu kara tughunitatea na gehegehemu te manana.

⁵Inau ku kene ghanaghanani nimua na lei butuli te haeharegha, ma nimua na maana ni rongoragha te uto lee.

⁶Na lei lapi kana tughuni horui nimua na malei haba. Inau ku bosa tatei na lei gehegehemu te mamataghugha.

⁷Na lei tinoni soko kara nia sakai sonikolu nimua na uto te haeharegha kara lingea nimua na togotogo nia na rivurivu.

⁸Gaia Lord te dolo mete veiarovi, kiki mua me rutu, hauva te vonughia na dolo te mua soko.

⁹Gaia Lord te lio uto vanira na lei tinoni soko, me kovala horua mai nina veiarovi vuvungani nina lei totobo gogoni.

¹⁰Nimua na lei lutu kara holoutogho nia Lord, Ma nimua na lei taba kara bosautogho ighoe.

¹¹Lord, gaira kara tughunitatea na ladana nimua na kinakabu, kara nia rivurivu nimua nilabu mana maana.

¹²Ma kara bosa tatea ghua na gehegehemu te uto lee, te nia rongorongo nimua na vatogha.

¹³Nimua na kinakabu, na kinakabu kasila, ma nimua na maana ni vatogha te ghaha haia tana lei vavata. Gaia Lord te pungotighi haia nina baubahu te uto mate tana lei gehegehena.

¹⁴Gaia Lord te tabe ghalaghara tara tumu, me tughuru vaghinira te mavatira didira na hohola.