Kap 145:2-14

²Gɨldarɨ gɨldarɨ mango aŋkɨsikeŋ. Dagok dagogɨ mɨni gak aŋkɨsiŋ wɨgɨkeŋ.

³Yawe uŋun mani wukwisi, do mani aŋkɨsiŋ kɨmotneŋ. Mani wukwisi, do uŋun dakon mibɨlɨ kɨsi amɨn da arɨpmɨ dɨma nandaba pɨsogɨ.

⁴Babɨkon da babɨkon pi madep aŋ aŋ agɨl uŋun do yaŋ yaŋ akdaŋ.

⁵Amɨn da tapmɨm madepgo gat ae Kɨla Amɨn Madep Wɨkwisi egɨsal uŋun do yokdaŋ. Aŋakwa nak do pi madep madep asal uŋun do nandaŋek egɨpbeŋ.

⁶Amɨn da pi masɨ masɨmɨ asal uŋun dakon geni yokdaŋ. Aŋakwa nak da man madepgo do yokeŋ.

⁷Aŋpakgo tagɨsi uŋun dakon geni yaŋek kapmon da aŋpakgo kɨlegɨsi uŋun do yoni.

⁸Yawe da nin do nandaŋ yawok nimɨŋek bupmɨ nandaŋ nimɨsak. Butjap tepmɨ dɨma nandaŋek but dasi galak taŋ nimɨsak.

⁹Amɨn morap kɨsi do aŋpak tagɨsi aŋyomɨsak. Aŋek yo morap wasagɨt uŋun do bupmɨkon da kɨlani asak.

¹⁰Yawe, yo morap wasagɨl uŋun da mango aŋkɨsini. Mɨŋat amɨn kabɨgo da mango aŋkɨsini.

¹¹Amɨn kɨla agakgokon tɨlɨmgo tosok uŋun do yokdaŋ. Aŋek tapmɨm madepgo dakon geni yokdaŋ.

¹²Yaŋ aŋakwa amɨn morap da pi madep asal uŋun do nandani. Aŋek gak kɨla amɨn madep tapmɨmɨ toŋ egɨsal ae mango wukwisi tosok yaŋ nandaŋ gamni.

¹³Gak kɨla amɨn madep dagok dagogɨ mɨni egek amɨn morap kɨlani akdɨsal. Yawe yaŋ teban tok gen yagɨt uŋun kɨnda dɨma yapmaŋek guramɨk kɨmokdok. Nin paŋpulugok do yo tagɨsi gɨn asak.

¹⁴Jɨgɨni toŋ amɨn paŋpulugaŋek amɨn da pabɨŋ yopmaŋgaŋ amɨn uŋun paŋenakban tagɨsi ekwaŋ.