Text copied!
CopyCompare
Gwo Ma Arumgimis - GWAY GI IDAWUU’D - GWAY GI IDAWUU’D 145

GWAY GI IDAWUU’D 145:2-14

Help us?
Click on verse(s) to share them!
2Isa yempa/ aha/ mina ’bor /e mii mo, dhali maŋ gway pini ki sule/ sule/ mo dhali ki sule/ sule/ mo.
3Tap̱a a’di icaaca mo dhali a’di ica’d jin minu maŋ mo, dhali dhan cam piti minu ’koki gu’d ’kup̱ mmodoṯ mo.
4Anyaḵum yil gi ’kwanin ’deŋ kamu/ mini maŋ miim pini ka nyaḵum ’kwani yilan tiya mo, dhali uni mini bah dhan mii ma dem dem pini jin ḵala /e ki mii mo.
5Gom monyca ma ra/ ra/ pini mo dhali mo/eḵ pini mo dhali aris to kun miina /e ki momer mo tani aha/ mina kulum uni ibwa mo be.
6’Kwani mini bah dhan mo ma dem dem ma purem pini jin ḵala /e ki mii mo, dhali aha/ mina bah dhan monycam pini mo.
7Uni mini gac̱ miin tom pini jin ishi’d ka enthus ki gway pini jin tor /e ḵarash gom tom ’boron mo dhali yuḵ gway ki ’kal ’kal gom mo ma ḵar/em pini mo.
8Tap̱a a’di ta’da manmii mii ka ’the mo dhali amanmiimii mo, anyor piti maŋgala she/ mo dhali mo/en ishki’d jin ṯelu sho’k mo.
9Tap̱a a’di ’bora’bor gom ’kwani ’baar mo, dhali bwam ma ’thimem piti ki mo/en diki’da p̱owa ris ’kwani ’baar mo kun uḵkina a’di mo.
10Aris miin tom pini mini c̱i /e bwa jin ’boruwa ’bori is mo, ayy Tap̱a, dhali aris unim pini kun dhunu ki she/ ki dhelel dhelel mo tani uni mini ’bor /e mii mo.
11Uni mini o gwo gom monyca gi bampam pini mo, dhali uni mini ṯor gwo gom mom’bi’th pini mo,
12mmoṯor eya tente/ e iya/ gi ’kwani mo miin to ma dem dem pini mo, dhali monyca jin mii’d ki ra/ ra/ jin ta ji gi bampam pini mo.
13Bampam pini a’di ta bampa/ jin midi di ki sule/ sule/ mo dhali mo jin tanu tap̱am pini ’dimki ’kup̱ ki sule/ sule/ mo eya risa nyaḵum yil gi ’kwaniny’cesh mo. Tap̱a a’di ita a’di ma isiŋ gana/ eya ris gwom piti mo, dhali ta ’the ka ’the eya ris miin tom piti mo.
14Tap̱a a’di bu’thki uni gwansan kun ṯa’kkin mo, dhali ’deka ris uni imis mo uni gun ’kokin ki goŋgo/ mo.

Read GWAY GI IDAWUU’D 145GWAY GI IDAWUU’D 145
Compare GWAY GI IDAWUU’D 145:2-14GWAY GI IDAWUU’D 145:2-14