Arúke 1:67-77

⁶⁷min-íyápógóní aboámá Tékáráíyama Áánûqtuni Aokaq-Áágómá ógikaitanaboana amunémá kuténa tiráiye:

⁶⁸“ketáámá anómma uyátárai-naqa Íbaru-wayukati Áánûqtuma wenáwîqa múte yauyónátae. wemá wení waayúkama yíwáqnaa kéena mamá paá kéumayikaiye.

⁶⁹móra-nakoma akoqnáá umá ketááí kúmiq-yataaqa mamá paábaq yuwánéna kukáiye. min-náqá wemá Áánûqtuni kaqtó-naqa Tébitin-annabike náqiye. naayóbáqá

⁷⁰Áánûqtuni aokaq-ámúné-wáyúkátí yáanapo minnáyaba Áánûqtu mirá-tiraine.

⁷¹ketááí namuro-wáyúkágáráq yaímma íyamma umátíkáa-kayukagaraq yetí akoqnáábikema keqtáámá mamá paábaq tiyuwánitae. téna timá akoqnáá uráine.

⁷²ketááí títaubikoqtaba arummá umáyikena wení anón-anon-aimma timá yarúmakaiqtabama ‘aákaq maranúne’ téna Áánûqtuma tiráine.

⁷³ketááí namuro-wáyúkábíkémmá mamá paá umátikenataa túawaaq tuqmá mái-aimma akoqnáá umá ketááí tíbaubikomma Áabaraamma timá ámikaiye. wemá paá tiyúwáitaqtaa wení mayáímá kémayetaa ketáámá weqtábá ikatîqa íma éta tirummá kámunanataa

⁷⁵wemá ketááí kateko-ámmá awítíkaraitaqtaa wenáurakaqa arupú umátaa ketááí túwarauna-kanaaraqtaama kémaunatae.

⁷⁶ánibo emá ketí pááqyan-iyapoma eqtábámá ‘mú mikákáá anón-naqa Áánûqtuma wení amuné-náré’ téta tínoe. anómma uyátárai-nakoni aakaqá emá áqnáabaq kéoe. wení aammá mamá yokaa kéumake

⁷⁷wení waayúkama timá yíminata náayuwabi uyátárai-nakoma yetí kúmiq-yataaqa mamá paábaq kéyuwena awikátuwainayuma yemá yetí kúmiq-yataapikemma atóbanoe.